پاکستانی کھیݙاں دے ہرشعبے وچ ملک دا ناں روشن کریندے پئن، کوہ پیمائی جیھے اوکھے کھیݙ وچ پاکستانی تریمتاں دا ریکارڈ بݨاوݨ باعث تقویت اے، وزیر اعظم محمد شہباز شریف

اسلام آباد۔ 24 مئی(اے پی پی) وزیراعظم محمد شہباز شریف آکھیے جو پاکستانی کھیݙاں دے ہر شعبے وچ اپݨے ملک دا ناں روشن کریندے پئن، کوہ پیمائی جیھے اوکھے کھیݙ وچ پاکستانی تریمتاں دا ریکارڈ بݨاوݨ باعث تقویت اے۔ وزیراعظم آفس میڈیا ونگ ولوں جاری بیان موجب وزیراعظم محمد شہباز شریف کوہ پیما نائلہ کیانی کوں دنیا دی تریجھی وݙی چوٹی سر کرݨ تے خراج تحسین پیش کیتے اتے نائلہ کیانی کوں کنچن جنگا چوٹی سرکرݨ آلی پہلی پاکستانی تریمت دا اعزاز حاصل کرݨ تے مبارخ ݙتی۔ وزیراعظم آکھیے جو پاکستانی کھیڈاں دے ہر شعبے وچ اپݨے ملک دا ناں روشن کریندے پئن، کوہ پیمائی جیہے اوکھے کھیݙ وچ پاکستانی تریمتاں دا ریکارڈ بݨاوݨ باعث تقویت اے۔