صدر آصف علی زرداری دی پاکستانی کوہ پیما نائلہ کیانی کوں کنچن جنگا چوٹی سر کرݨ آلی پہلی پاکستانی تریمت دا اعزاز حاصل کرݨ تے مبارخ

اسلام آباد۔ 24 مئی (اے پی پی) صدر مملکت آصف علی زرداری پاکستانی کوہ پیما نائلہ کیانی کوں کنچن جنگا چوٹی سر کرݨ آلی پہلی پاکستانی تریمت دا اعزاز حاصل کرݨ تے مبارخ ݙیندے ہوئیں آکھیے جو پاکستانی تریمتاں باصلاحیت ہن، مختلف شعبیں وچ خدمات ݙیندیاں پئن، کوہ پیمائی دے شعبے وچ پاکستانی تریمتاں دی شمولیت چنڳی ڳالھ اے۔ ایوانِ صدر پریس ونگ توں چھݨ چھݨ کوں جاری بیان وچ صدر آصف علی زرداری نائلہ کیانی کوں دنیا دی تریجھی وݙی چوٹی سر کرݨ اتے کوہ پیمائی دے شعبے وچ پاکستان دا ناں روشن کرݨ تے خراج تحسین پیش کیتے۔ انہاں آکھیے جو پاکستانی تریمتاں باصلاحیت ہن جو مختلف شعبیاں وچ خدمتاں ݙیندیاں پئن۔ صدر مملکت آکھیے جو کوہ پیمائی دے شعبے وچ تریمتاں دی شمولیت چنڳی ڳالھ اے۔ صدر مملکت آصف علی زرداری نائلہ کیانی دے مستقبل سانگے نیک خواہشات دا اظہار وی کیتا۔