پنجاب حکومت نینگراں دے ہتھاں اچ ݙنڈے کائناں، لیپ ٹاپ ݙیندی پئی اے، وزیر اطلاعات عظمیٰ بخاری

لاہور۔24مئی (اے پی پی) وزیراطلاعات پنجاب عظمیٰ بخاری آکھیے جو پنجاب حکومت نینگراں دے ہتھاں اچ ݙنڈے کائناں بلکہ لیپ ٹاپ ݙیندی پئی اے۔ جاری بیان اچ وزیر اطلاعات آکھیے جو پنجاب اج سارے صوبیں اچوں ترقی اتے خوشحالی اچ لیڈ کریندا پئے۔ وزیراعلیٰ پنجاب مریم نواز دی قیادت اچ پنجاب اچ ریکارڈ ترقیاتی منصوبے جاری ہن جنہاں دی مثال ماضی دیاں حکومتاں اچ کتھائیں وی نئیں ملدی۔عظمیٰ بخاری آکھیے وزیراعلیٰ پنجاب مریم نواز نینگراں دے ہتھاں اچ کل آلے ݙنڈے کائنی بلکہ لیپ ٹاپ ݙیندی پئی اے ، او نویں نسل دی پسندیدہ لیڈر بݨ ڳئن ۔ انہاں ڳالھیں نال کائناں بلکہ عملی اقدامات نال نویں نسل دے دل جتئن جیں دا عملی مشاہدہ الیکٹرک بائیکس، سکالرشپس اتے لیپ ٹاپ دی تقسیم اے۔ وزیر اطلاعات آکھیے جو نویں نسل جلائو گھیرائو اتے مار دھاڑ دی سیاست توں تنگ آچکی اے، مخالفین زبان درازی دے ریکارڈ بݨیندے پئن اتے اپݨے مذموم مقاصد کیتے نینگراں دی منفی ذہن سازی کرݨ آلے یوتھ دے اصل دشمن ہن۔