آندے چووی گھنٹے اچ اسلام آباد سودھے ملک دیاں ٻیاں جہیں تے کھمݨ گاجاں نال مینھ وسݨ دا امکان، محکمہ موسمیات

اسلام آباد۔ 24 مئی (اے پی پی) آندے 24 گھنٹے اچ وفاقی دارالحکومت اسلام آباد، کشمیر، خیبرپختونخوا، خطہ پوٹھوہار، شمال مشرقی پنجاب، شمال مشرقی بلوچستان تے گلگت بلتستان اچ مطلع تھوڑا ٻہوں بدل آلا اتے ہوائیں /طوفان چلݨ اتے کھمݨ گاجاں نال مینھ وسݨ دا امکان اے ۔ ایں دوران اتلے تے وچلے پنجاب اچ کجھ جاہواں تے زور آلا مینھ/گڑھا وسݨ دا امکان اے اتے مُلک دے علاقیاں اچ موسم گرم اتے سُکّا رہݨ دا امکان اے۔محکمہ موسمیات موجب گزریل 24 گھنٹے اچ اسلام آباد، خطہ پوٹھوہار، شمال مشرقی پنجاب، اتلے خیبرپختونخوا، کشمیر اتے شمال مشرقی بلوچستان اچ ہوائیں/طوفان چلݨ اتے کھمݨ گاجاں نال مینھ وسیا۔ کجھ جاہواں تے زور آلا مینھ/تے گڑھا وسیے جڈاں جو مُلک دے ٻئے علاقیں اچ موسم گرم اتے سُکّا جݙاں جو میدانی علاقیاں اچ بہوں گرم رہیا۔ گزریل چووی گھنٹے دے دوران ساریں توں ودھ مینھ اٹک اچ 48 ملی میٹر، اسلام آباد (سٹی 38، گولڑہ 13، بوکرا 6، ایئرپورٹ 5، سید پور 3)، راولپنڈی (شمس آباد 36، چکلالہ 20) جوہرآباد 16، منگلا 14، چکوال 12، مری 11، جہلم 7، منڈی بہاؤالدین 7، سیالکوٹ (سٹی 5، ایئرپورٹ 2)، شیخوپورہ، گوجرانوالہ 2، گجرات 1، مالم جبہ 21، سیدو شریف 14، کاکول 8، لوئر دیر 5، تخت بھائی 1، کوٹلی 13، راولاکوٹ 12، گڑھی دوپٹہ 2، لسبیلہ 5، بار خان اتے سبی اچ 2 ملی میٹر مینھ ریکارڈ کیتا ڳئے۔ ہفتے کوں ریکارڈ کیتے ڳئے ساریں توں ودھ درجہ حرارت موجب جیکب آباد اچ درجہ حرارت 50، سبی 49، دادو، موہنجو داڑو، روہڑی، لاڑکانہ اتے شہید بینظیر آباد اچ 47 ڈگری سینٹی گریڈ ریکارڈ کیتا ڳئے۔ محکمہ موسمیات چتاوݨی ݙتی اے جو ہفتہ دی (رات) اتے اتوار دے ڈینھ اندھاری /جھکڑ/کھمݨ گاجاں /ڳڑھا وسݨ اتے تکھے مینھ پاروں کمزور انفراسٹرکچر (بجلی دے کھمبے، وݨ ، ڳڈیاں، سولر پینل وغیرہ) کوں نقصان تھیوݨ دا خطرہ اِے۔