صدر مملکت آصف علی زرداری نال پیپلز پارٹی اٹک دے تنظیمی وفد دی ملاقات

لاہور۔26مئی (اے پی پی) صدر مملکت آصف علی زرداری نال گورنر پنجاب سردار سلیم حیدر خان دی قیادت اچ پاکستان پیپلز پارٹی اٹک دے تنظیمی وفد اتے ٹکٹ ہولڈرز گورنر ہاؤس لاہور اچ ملین۔ گورنر ہاؤس دے بیان موجب، ایں ملاقات اچ ملکی سیاسی صورتحال اتے تنظیمی معاملات تے ڳالھ تھئی۔ صدر مملکت آصف علی زرداری آکھیا جو پاکستان اے تاں ساریاں سیاسی جماعتاں ہین۔ انہاں آکھیا جو پاک بھارت کشیدگی اچ پیپلز پارٹی سودھا ساریاں سیاسی جماعتاں اپݨیاں افواج دے نال کھڑین اتے بھارت کوں سٹ کھاوݨی پئی اے۔ صدر آصف علی زرداری آکھیا جو پیپلز پارٹی ہمیشہ ملک اتے جمہوریت کیتے قربانیاں ڈتین اتے اے روایت آندے ویلھے وی جاری راہسی، پیپلز پارٹی پنجاب اچ متحرک اتے فعال تھی گئی اے اتے ایں جماعت مزدوراں، محنت کشاں، سرکاری ملازمین اتے پسے ہوئے طبقے دی جماعت اے۔