تہران ۔27 مئی (اے پی پی) وزیر اعظم محمد شہباز شریف ایران دا ݙو ݙینھ دا دورہ پورا کر تے آذربائیجان روانہ تھی گئے۔ منگل کوں وزیر اعظم آفس دے میڈیا ونگ توں جاری بیان موجب، تہران دے مہرآباد ائیر پورٹ تے ایرانی وزیر داخلہ اسکندر مومنی، پاکستان اچ ایران دے سفیر رضا امیری مقدم، ایران اچ پاکستان دے سفیر مدثر ٹیپو اتے وݙے سفارتی اہلکاراں وزیر اعظم شہباز شریف …
وزیر اعظم شہباز شریف ایران توں آذربائیجان روانہ تھی گئے
مزید خبراں
تہران ۔27 مئی (اے پی پی) وزیر اعظم محمد شہباز شریف ایران دا ݙو ݙینھ دا دورہ پورا کر تے آذربائیجان روانہ تھی گئے۔ منگل کوں وزیر اعظم آفس دے میڈیا ونگ توں جاری بیان موجب، تہران دے مہرآباد ائیر پورٹ تے ایرانی وزیر داخلہ اسکندر مومنی، پاکستان اچ ایران دے سفیر رضا امیری مقدم، ایران اچ پاکستان دے سفیر مدثر ٹیپو اتے وݙے سفارتی اہلکاراں وزیر اعظم شہباز شریف اتے پاکستانی وفد کوں الوداع کیتا۔ وزیر اعظم آپݨے دورے اچ سپریم لیڈر آیت اللہ سید علی خامنہ ای دے نال نال ایرانی صدر ڈاکٹر مسعود پزشکیان نال ملاقات کیتی۔ ملاقاتاں اچ پاکستان ایران تعلقات خاص کر تجارت اتے علاقائی رابطیاں دے ودھارے تے ڳالھ مہاڑ تھئی۔ ملاقاتاں اچ علاقائی معاملیاں تے ڳالھ مہاڑ اتے بھارت دی پاکستان تے مسلط کیتی ڳئی جنگ اچ ایران دیاں خطے اچ امن دیاں کوششاں دی تعریف کیتی ڳئی۔ ݙوہاں ملکاں وچال سٹریٹجک تعلقات دی مضبوطی دے علاوہ غزہ اچ جاری صیہونی ظلم تے جبر کوں فوری روکݨ اتے پائیدار تے دیرپا جنگ بندی تے ڳالھ مہاڑ ملاقاتاں دا حصہ رہی۔ وزیر اعظم آپݨا ݙو پاسہ دورہ ایران پورا کر تے آذری صدر دی دعوت تے آذربائیجان دا دورہ کریسن۔ ترکیہ اتے ایران دے بعد وزیر اعظم اپݨے چار ملکاں دے دورے دے تریجھا مرحلے کیتے آذربائیجان ویندے پئن۔ وزیر اعظم محمد شہباز شریف ایندے بعد تاجکستان ویسن۔
