دوشنبے ۔ 29 مئی (اے پی پی) وزیراعظم محمد شہباز شریف ݙو ݙینھ وار دورے تے تاجکستان دے دارالحکومت دوشنبے پڄ ڳئن۔ دوشنبے ایئرپورٹ تے تاجک وزیراعظم قاہر رسول زادہ، تاجک نائب وزیر خارجہ شریف زادہ فرخ حمدین، پاکستان اچ تاجکستان دے سفیر یوسف شریف زادہ اتے تاجکستان اچ پاکستان دے سفیر محمد سعید سرور وزیراعظم دا پرتپاک استقبال کیتا۔ وزیراعظم دفتر دے میڈیا ونگ توں جاری بیان موجب ایں …
وزیراعظم شہباز شریف دا دوشنبے، تاجکستان دا دورہ
مزید خبراں
دوشنبے ۔ 29 مئی (اے پی پی) وزیراعظم محمد شہباز شریف ݙو ݙینھ وار دورے تے تاجکستان دے دارالحکومت دوشنبے پڄ ڳئن۔ دوشنبے ایئرپورٹ تے تاجک وزیراعظم قاہر رسول زادہ، تاجک نائب وزیر خارجہ شریف زادہ فرخ حمدین، پاکستان اچ تاجکستان دے سفیر یوسف شریف زادہ اتے تاجکستان اچ پاکستان دے سفیر محمد سعید سرور وزیراعظم دا پرتپاک استقبال کیتا۔ وزیراعظم دفتر دے میڈیا ونگ توں جاری بیان موجب ایں دورے اچ وفاقی وزیر اطلاعات و نشریات عطا اللہ تارڑ اتے معاون خصوصی سید طارق فاطمی وی وزیراعظم دے رلے ہن۔ دورے دے دوران وزیراعظم محمد شہباز شریف تاجک صدر امام علی رحمان نال ݙو طرفہ ملاقات کریسن جئیں اچ وزیراعظم تاجک صدر نال پاکستان اتے تاجکستان وچال مختلف شعبیں اچ تعاون دے حوالے نال ڳالھ مہاڑ کریسن اتے جنوبی ایشیائی خطے اچ بھارت اتے پاکستان وچال اڄوکی کشیدگی دے دوران تاجکستان دی طرفوں پاکستان دی بھرپور حمایت تے تاجک صدر دا شکریہ ادا کریسن۔وزیراعظم محمد شہباز شریف ایں دورے اچ گلیشیئرز دے تحفظ تے دوشنبے اچ منعقدہ اعلیٰ سطحی عالمی کانفرنس اچ شرکت کریسن جئیں اچ وزیراعظم شرکاء کوں ماحولیاتی تبدیلی دے پاکستان تے اثرات اتے ماحولیاتی تبدیلی توں تحفظ اتے گلیشیئرز دے تحفظ کیتے پاکستان دے غیر متزلزل عزم دے حوالے نال ݙسیسن۔
