وزیر اعظم شہباز شریف دی فتنہ الہندوستان دے پنڄ دہشت گرداں کوں جہنم واصل کرݨ تے سکیورٹی فورسز دی تعریف

دوشنبہ۔ 29 مئی(اے پی پی)وزیر اعظم محمد شہباز شریف بلوچستان اچ بھارتی سرپرستی اچ شرانگیزی کھنڈاوݨ آلے فتنہ الہندوستان دے پنڄ دہشت گرداں کوں جہنم واصل کرݨ تے سکیورٹی فورسز دی تعریف کریندے آکھیے جو دہشت گردی دے خلاف جنگ اچ پوری قوم اپݨیاں افواج پاکستان دے نال کھڑی اے۔ وزیراعظم لورالائی اچ 4 دہشت گرداں کوں جہنم واصل کرݨ تے سکیورٹی فورسز دی پیشہ ورانہ صلاحیتاں دی تعریف کیتی، جیڑھے بلوچستان اچ بدامنی کھنڈاوݨ دے مختلف واقعات خاص کر N-70 اچ 30 معصوم لوکاں دی شہادت دے ذمہ داران اچ شامل ہن۔ وزیر اعظم ضلع کیچ اچ بھارتی سرپرستی اچ پاکستان اچ دہشت گردی کھنڈاوݨ آلے ہک ٻئے دہشت گرد کوں جہنم واصل کرݨ تے افواج پاکستان دے افسراں اتے جواناں دی تعریف کیتی اے۔ انہاں آکھیا جو پاکستان اچ بھارتی پراکسیز دے دہشت گرداں دے مکمل خاتمے کیتے افواج پاکستان ݙینھ رات ردھیاں ہوئن، دہشت گردی دے خلاف جنگ اچ پوری قوم اپݨیاں افواج پاکستان دے نال کھڑی اے۔