دوشنبے۔30مئی (اے پی پی) وزیراعظم محمد شہباز شریف ݙو ݙینھ دا دورہ مکمل کرتے تاجکستان دے دارالحکومت دوشنبے توں وطن واپس روانہ تھی ڳئن ۔دوشنبے ائیرپورٹ تے تاجک نائب وزیراعظم حکیم خلیق زادہ وزیراعظم کوں الوداع کیتا۔ وفاقی وزیر اطلاعات و نشریات عطا اللہ تارڑ اتے معاون خصوصی سید طارق فاطمی وی وزیراعظم دے رلے ہن۔ ݙو ݙینھ وار دورہ تاجکستان اچ وزیراعظم محمد شہباز شریف تاجک صدر امام علی …
وزیراعظم شہباز شریف دوشنبے توں وطن واپس روانہ
مزید خبراں
دوشنبے۔30مئی (اے پی پی) وزیراعظم محمد شہباز شریف ݙو ݙینھ دا دورہ مکمل کرتے تاجکستان دے دارالحکومت دوشنبے توں وطن واپس روانہ تھی ڳئن ۔دوشنبے ائیرپورٹ تے تاجک نائب وزیراعظم حکیم خلیق زادہ وزیراعظم کوں الوداع کیتا۔ وفاقی وزیر اطلاعات و نشریات عطا اللہ تارڑ اتے معاون خصوصی سید طارق فاطمی وی وزیراعظم دے رلے ہن۔ ݙو ݙینھ وار دورہ تاجکستان اچ وزیراعظم محمد شہباز شریف تاجک صدر امام علی رحمان نال ملاقات کیتی جئیں اچ وزیراعظم تاجک صدر نال پاکستان اتے تاجکستان وچال مختلف شعبیں اچ تعاون تے ڳالھ مہاڑ کیتی تے جنوبی ایشیائی خطے اچ بھارت تے پاکستان وچال اڄوکی کشیدگی دے دوران تاجکستان دی طرفوں پاکستان دی بھر پور حمایت تے تاجک صدر دا شکریہ ادا کیتے۔ وزیراعظم محمد شہباز شریف ایں دورے اچ گلیشیرز دے تحفظ تے دوشنبے اچ منعقدہ عالمی کانفرنس اچ شرکت کیتی جئیں اچ وزیراعظم شرکا کوں ماحولیاتی تبدیلیاں دے پاکستان تے اثرات اتے انہاں توں تحفظ اتے گلیشیئرز دے تحفظ سانڳے پاکستان دے غیر متزلزل عزم دے حوالے نال ݙسائے
