مقبوضہ جموں و کشمیر توں فلسطینی علاقیاں تئیں پراݨے جھیڑے علاقائی و بین الاقوامی امن و سلامتی سانڳے خطرہ، عالمی امن، استحکام اتے ترقی سانڳے کثیرالجہتی کلیدی حیثیت رکھیندی اے، نائب وزیراعظم و وزیر خارجہ سینیٹر محمد اسحاق ڈار

ہانگ کانگ۔ 30 مئی (اے پی پی) نائب وزیراعظم اتے وزیر خارجہ سینیٹر محمد اسحاق ڈار آکھیے جو مقبوضہ جموں و کشمیر توں مقبوضہ فلسطینی علاقیں تئیں پراݨے جھیڑے اتے غیر ملکی قبضے دی صورتحال علاقائی اتے بین الاقوامی امن و سلامتی سانڳے خطرہ اے۔ جموں و کشمیر دا حل طلب جھیڑا جنوبی ایشیا اچ جھیڑے دا بنیادی ذریعہ بݨیا ہویا اے۔ پاکستان اتے چین ہمیشہ ایں یقین دے حامل رہین جو عالمی امن، استحکام اتے ترقی سانڳے کثیرالجہتی کلیدی حیثیت رکھیندی اے۔ دفتر خارجہ موجب چین دے خصوصی انتظامی علاقے ہانگ کانگ اچ بین الاقوامی تنظیم برائے ثالثی (آئی او ایم ای ڈی) دی دستخطی تقریب دے موقع تے خطاب کریندے محمد اسحاق ڈار آکھیے جو پاکستان کوں آئی او ایم ای ڈی دے بانی ارکان اچ شامل تھیوݨ تے ماݨ اے۔ نائب وزیراعظم عوامی جمہوریہ چین کوں تقریب دی میزبانی کرݨ تے مبارکباد پیش کیتی اتے آکھیے جو ایں اقدام کوں اڳوں ودھاوݨ اتے ہک سانجھے تصور کوں عملی حقیقت اچ بدالݨ کرݨ اچ چینی قیادت دا اہم کردار چینی دانش مندی دا امتحان اے۔ اڄ دی دستخطی تقریب بین الاقوامی ثالثی اتے سفارتکاری دے دائرے اچ ہک نویں دور دے آغاز دی علامت اے۔ انہاں آکھیے جو عوامی جمہوریہ چین دے خصوصی انتظامی علاقے ہانگ کانگ اچ آئی او ایم ای ڈی دے قیام دے کنونشن تے تاریخی دستخطی تقریب اچ پاکستان دی نمائندگی میں سانڳے ماݨ دی ڳالھ اے ۔ محمد اسحاق ڈار آکھیے جو اے تقریب کثیر الجہتی اتے ثالثی دے اصولاں دی حمایت سانڳے ہک اہم عالمی ادارے دی پیدائش دی وی علامت اے۔ اے اقدام میکوں چین ولوں ایشین انفراسٹرکچر انویسٹمنٹ بینک (اے آئی آئی بی) دے قیام دی یاد ݙویندے۔ انہاں آکھیے جو آئی او ایم ای ڈی دا قیام ثالثی دی دنیا اچ اتنا ہی غیر معمولی قدم اے جتنا اے آئی آئی بی فنانس دی دنیا اچ ہئی۔ ہانگ کانگ کوں نویں بݨائی ڳئی تنظیم دے صدر دفتر دے طور تے منتخب کرݨ وی قابل تعریف اے، ہانگ کانگ ہک ”سپر کنیکٹر“ اتے ”سپر ویلیو ایڈر“ دے طور تے مشرق کوں مغرب نال رلاوݨ آلا متحرک شہر اے۔ ہانگ کانگ ایں تبدیلی دے سفر سانڳے چنڳی طرح تیار اے۔ نائب وزیراعظم آکھیے جو پاکستان تجارتی اتے سرمایہ کاری جھیڑے دے حل اتے عدالتی کارکردگی دے ودھارے سانڳے بین الاقوامی ثالثی مرکز (آئی ایم اے سی) قائم کیتے۔ انہاں آکھیے جو اساں آئی او ایم ای ڈی دے سیکرٹریٹ اتے آئی ایم اے سی آف پاکستان نال تعاون دے منتظر ہیسے۔ ساݙا یقین اے جو اقوام متحدہ دے چارٹر دے اصولاں دی سختی نال پاسداری، سلامتی کونسل دی قرارداداں دے خلوص نیت نال لاڳو کرݨ نال بین الاقوامی قانون موجب امن، سلامتی اتے عالمی خوشحالی کوں ودھایا ونڄ سڳدے ۔ نائب وزیراعظم آکھیے جو ثالثی، سفارت کاری، مکالمہ اتے بین الاقوامی تعاون ایں جامع نقطہ نظر دے اہم ستون ہن۔ اڄ اتھاں ساݙی موجودگی انہاں نظریات دے تئیں ساݙی وابستگی دا اعادہ اے۔ انہاں آکھیے جو اڄ جڈاں میں اتھاں انھاں نال مخاطب ہاں تاں نویں نسل کوں جنگ دی تباہ کاریاں توں بچاوݨ دا خواب پہلے توں کتھائیں وی ودھ دور ݙسدے۔ ایں ویلھے پاپولزم اتے الٹرا نیشنلزم دیاں ہک طرفہ قوتاں پوری طرح متحرک ہن۔ مکالمے اتے ثالثی دے بجائے جھیڑے اتے تفرقہ انگیز بیان بازی شہ سرخیاں تے حاوی ہن۔ کجھ لوک اقوام متحدہ دے چارٹر دے مقصد اتے اصولاں دے نال نال بین الاقوامی قانون دے بنیادی اصولاں دی وی بے دریغ خلاف ورزی کریندے پئن ، اے لوک اپݨے انتخابی فیدے اتے تسلط پسند علاقائی عزائم دی قربان گاہ تے بین الاقوامی امن کوں قربان کرݨ کوں تیار ہن۔ نائب وزیراعظم آکھیے جو اڄوکی اساں سفارتکاری، بین الاقوامی قانون اتے ثالثی کوں نظر انداز کرݨ دی وجہ توں سنگین بحران ݙٹھن ۔ ساݙے مشرقی ہمسایہ ملک دی اڄوکی بلا اشتعال اتے بلا جواز فوجی جارحیت بین الاقوامی قوانین دی صریح خلاف ورزی اے جیڑھی علاقائی اتے بین الاقوامی امن و سلامتی سانڳے سنگین خطرہ اے۔ 1960ء دے سندھ طاس معاہدے جیھے بین الاقوامی معاہدیں کوں موخر کرتے بین الاقوامی انسانی حقوق دے قوانین اتے انسانی اصولاں دی خلاف ورزی کریندے ہوئیں نویں اتے خطرناک مثالاں قائم کیتیاں ویندیاں پئن۔ جارحیت دیاں اے غیر منصفانہ کارروائیاں بین الاقوامی برادری دی ولوں تحمل دا مظاہرہ کرݨ اتے کشیدگی اچ کمی سانڳے اقدامات کرݨ دے مطالبے کوں مکمل طور تے نظر انداز کریندے ہوئیں کیتیاں ڳئیاں۔ محمد اسحاق ڈار آکھیے جو جیئن ایں تنظیم دے قیام توں ظاہر تھیندے جو بین الاقوامی برادری کݙاہیں وی اقوام متحدہ دے چارٹر دی خلاف ورزیاں اتے طاقت دے من منیے استعمال کوں معمول دا رویہ نہ سمجھسی۔ جموں و کشمیر دا حل طلب جھیڑا جنوبی ایشیا اچ جھیڑے دا بنیادی ذریعہ بݨیا ہویا اے۔ اقوام متحدہ دی سلامتی کونسل دی قرارداداں اتے کشمیری عوام دی امنگاں موجب ایں پراݨے جھیڑے دے وختی حل دی سخت لوڑھ اے۔ انہاں آکھیے جو اساکوں انہاں نویں اتے ابھردے چیلنجاں کوں منݨا ہوسی جیڑھے جغرافیائی، بین الاقوامی اتے تکنیکی فریم ورک توں ودھ ہن۔ اساکوں انہاں نویں اتے ابھردے چیلنجز دا ادراک ہووݨا چاھیدے جیڑھے جغرافیائی، بین الاقوامی اتے تکنیکی حداں توں ودھن۔ انہاں مسئلیں نال نبڑݨ سانڳے نویں جذبے اتے حکمتِ عملی دی لوڑھ اے۔ نائب وزیر اعظم آکھیے جو ایں ضمن اچ صدر شی جن پنگ ولوں پیش کیتا ڳیا گلوبل سکیورٹی انیشی ایٹو اقوام متحدہ تے مبنی امن و سلامتی دے نظام کوں تکڑا بݨاوݨ اچ منفرد قدر رکھیندے ۔ جی ایس آئی دا سانجھیا مفاد، ناقابل تقسیم سلامتی، خودمختاری دا احترام اتے محاذ آرائی دے بجائے مکالمے تے زور ثالثی دی بین الاقوامی تنظیم دے قیام دے مقصد نال ہم آہنگ اے۔ انہاں آکھیے جو ہک سٹریٹجک شراکت دار اتے چین دا ہمہ موسمی دوست ہووݨ دے ناطے پاکستان چین دی کثیرالجہتی کوششاں دی غیر متزلزل حمایت کوں قدر دی نگاہ نال ݙیکھد ۔ چین مشرق و مغرب اتے شمال و جنوب کوں جوڑ تے ہک مشترکہ مستقبل دے عالمی معاشرے دی تشکیل دے پاسے ٹردا پئے ۔ پاکستان اتے چین ہمیشہ ایں یقین دے حامل رہین جو عالمی امن، استحکام اتے ترقی سانڳے کثیرالجہتی کلیدی حیثیت رکھیندی اے۔ نائب وزیراعظم آکھیے جو اڄ آئی او ایم ای ڈی دا قیام ایں خواب دی تعبیر اے جیڑھا ہک ودھ جامع، ودھ منصفانہ اتے مساوی دنیا دی تشکیل سانڳے نویں امیداں اتے موقع ݙیندے ۔ پاکستان ایں عظیم مشن اچ سرگرم کردار ادا کریندا رہسی۔ محمد اسحاق ڈار آکھیے اساں آئی او ایم ای ڈی اچ نہ صرف اپݨا سفارتی تجربہ گھن آؤسوں بلکہ مکالمہ، انصاف اتے عدل و مساوات سانڳے اپݨی غیر متزلزل وابستگی وی نال ڳھن آؤسوں۔ انہاں آکھیے جو ایں تنظیم کوں بااختیار بݨیسوں تاں جو اے امن، انصاف اتے مساوات دے ودھارے اچ اپݨی پوری صلاحیت نال کم کرسڳے۔