وفاقی وزیر ریلوے دا خانیوال سٹیشن تے مسافر پل دا حصہ ݙھݨ دا نوٹس، 3 افسر معطل

اسلام آباد۔ 30 مئی(اے پی پی)وفاقی وزیر ریلوے محمد حنیف عباسی خانیوال سٹیشن تے مسافر پل دا حصہ ݙھݨ دا نوٹس گھندے 3 افسراں کوں فوری طور تے معطل کر ݙتے۔ گریڈ 18 دے ڈویژنل انجینئر عابد رزاق، گریڈ 17 دے اسسٹنٹ انجینئر راجہ یوسف اتے گریڈ 16 دے انسپکٹر برِج ملتان محمد عادل کوں معطل کیتا ڳئے۔ وزیر ریلوے پل ݙھݨ تے افسوس کریندے ذمہ داراں دے خلاف سخت کارروائی دی ہدایت کیتی اتے واقعہ دی تحقیقات کیتے سی ای او ریلوے، آئی جی ریلوے اتے ڈی ایس لاہور تے مشتمل انکوائری کمیٹی ٻݨائی اے ڄڈاں جو چیف ایگزیکٹو افسر عامر علی بلوچ کوں فوراً خانیوال بھیڄیے۔ واضح رہوے جو خانیوال سٹیشن تے مسافر پُل دا ہک حصہ ݙھݨ نال ہک ریلوے ملازم فوت تھئے ڄڈاں جو ہک تریمت وی زخمی تھئی اے۔ متعلقہ اداریاں فوری امدادی کارروائی شروع کر تے پل دی تعمیر شروع کر ݙتی اے اتے معمول دی ٹریفک بحال تھی ڳئی اے۔