صدر مملکت آصف علی زرداری دی ارشد ندیم کوں ایشین ایتھلیٹکس چیمپئن شپ جتݨ تے مبارکباد

اسلام آباد۔31 مئی (اے پی پی) صدر مملکت آصف علی زرداری ارشد ندیم کوں ایشین ایتھلیٹکس چیمپئن شپ جتݨ تے مبارخ ݙیندے آکھیے جو ارشد ندیم جیولن تھرو دے کھیݙ اچ ہک واری ول پاکستان دا ناں روشن کیتے۔ ایوان صدر پریس ونگ توں جاری بیان موجب صدر مملکت آکھیے جو ارشد ندیم فائنل سودھے پوری چیمپئن شپ اچ بہترین کھیݙ پیش کیتا، ارشد ندیم دی ایں شاندار جت تے پوری قوم کوں مبارخ ݙینداں ۔ صدر مملکت آکھیے جو پوری قوم کوں ارشد ندیم دی شاندار کارکردگی تے ماݨ اے، مستقبل اچ وی ارشد ندیم دیاں کامیابیاں کیتے دعا کرینداں۔