اسلام آباد۔1جون (اے پی پی) پاکستان اتے افغانستان ریجنل رابطے سانڳے ازبکستان-افغانستان-پاکستان (یو اے پی) ریلوے لائن منصوبے دی اہمیت تے زور ݙیندے فریم ورک معاہدے کوں وختی حتمی شکل ݙیوݨ کیتے رَل کݨ کم کرݨ تے اتفاق کیتے۔دفتر خارجہ توں جاری بیان موجب نائب وزیراعظم تے وزیر خارجہ سینیٹر محمد اسحاق ڈار اتوار کوں افغانستان دے قائم مقام وزیر خارجہ عامر خان متقی نال ٹیلی فون تے ڳالھ مہاڑ …
ریجنل رابطے سانڳے پاکستان اتے افغانستان دا ازبکستان-افغانستان-پاکستان (یو اے پی) ریلوے لائن منصوبے دی اہمیت تے زور
مزید خبراں
اسلام آباد۔1جون (اے پی پی) پاکستان اتے افغانستان ریجنل رابطے سانڳے ازبکستان-افغانستان-پاکستان (یو اے پی) ریلوے لائن منصوبے دی اہمیت تے زور ݙیندے فریم ورک معاہدے کوں وختی حتمی شکل ݙیوݨ کیتے رَل کݨ کم کرݨ تے اتفاق کیتے۔دفتر خارجہ توں جاری بیان موجب نائب وزیراعظم تے وزیر خارجہ سینیٹر محمد اسحاق ڈار اتوار کوں افغانستان دے قائم مقام وزیر خارجہ عامر خان متقی نال ٹیلی فون تے ڳالھ مہاڑ کیتی۔وزیر خارجہ امیر خان متقی پاکستان ولوں اپݨے سفارتی تعلقات کوں سفیر دی سطح تئیں ودھاوݨ دے فیصلے دا خیر مقدم کیتا تے ݙسیا جو افغانستان وی ایندا جواب ݙیوݨ دا فیصلہ کیتے۔انہاں اینکوں ݙو طرفہ تعلقات اچ ہک وݙی مثبت پیش رفت قرار ݙتا۔ݙوہیں رہنماواں 19 اپریل 2025 کوں وزیر خارجہ اسحاق ڈار دے دورہ کابل دے دوران کیتے ڳئے فیصلیں تے عملدرآمد دا وی جائزہ ڳھدا تے ݙوہیں برادر ملکاں وچال آپسی اعتماد قائم کرݨ کیتے رَل کݨ کم جاری رکھݨ دے عزم دا اظہار کیتا۔ ریجنل رابطیں سانڳے ازبکستان-افغانستان-پاکستان (یو اے پی) ریلوے لائن منصوبے دی اہمیت تے زور ݙیندے ݙوہیں رہنماواں فریم ورک معاہدے کوں وختی حتمی شکل ݙیوݨ کیتے رَل کݨ کم کرݨ تے اتفاق کیتے۔
