سکیورٹی فورسز شمالی وزیرستان دی تحصیل دتہ خیل وچ بھارتی حمایت یافتہ 14 خوارج کوں ہلاک کر ݙتا

راولپنڈی۔ 4 جون (اے پی پی) سکیورٹی فورسز شمالی وزیرستان دی تحصیل دتہ خیل وچ بھارتی حمایت یافتہ 14 خوارج کوں ہلاک کر ݙتے۔ پاک فوج دے شعبہ تعلقات عامہ (آئی ایس پی آر) توں جاری بیان موجب سکیورٹی فورسز شمالی وزیرستان دی تحصیل دتہ خیل وچ بھارتی پراکسی فتنہ الخوارج نال تعلق رکھݨ آلے خوارج دی موجودی دی اطلاع تے انٹیلی جنس دی بنیاد تے آپریشن کیتا جئیں دے دوران شدید فائرنگ دے تبادلے وچ 14 خوارج کوں جہنم واصل کر ݙتا ڳئے۔ علاقے وچ پاتے ونڄݨ آلے کہیں ݙوجھے بھارتی حمایت یافتہ خارجی کوں مکاوݨ کیتے سینیٹائزیشن آپریشن جاری اے۔ حکام دا آکھݨ ہئی جو سکیورٹی فورسز ملک توں بھارتی حمایت یافتہ دہشت گردی دی لعنت کوں مکاوݨ کیتے پرعزم ہن۔