وفاقی وزیرِ قانون اعظم نذیر تارڑ توں سپریم کورٹ بار ایسوسی ایشن دی مجلسِ عاملہ دی ملاقات

اسلام آباد۔ 4 جون (اے پی پی) وفاقی وزیرِ قانون و انصاف سینیٹر اعظم نذیر تارڑ نال سپریم کورٹ بار ایسوسی ایشن دی مجلسِ عاملہ ملاقات کیتی۔ ترجمان وزارت قانون و انصاف موجب ملاقات وچ سپریم کورٹ لائرز ہاؤسنگ پروجیکٹ متعلق پیشرفت اتے ݙوجھے امور تے تفصیلی ڳالھ مہاڑ کیتی ڳئی۔ وزیرِ قانون شرکا کوں ہاؤسنگ پروجیکٹ دے مختلف مرحلیں اتے حکومتی تعاون متعلق ݙسایا ۔ انہاں آکھیے سپریم کورٹ بار ایسوسی ایشن ہمیشہ وکلا دی فلاح و بہبود کیتے سرگرم رہی اے اتے حکومت ایں مشن وچ ہر ممکن تعاون جاری رکھیسی۔ مجلسِ عاملہ دے ممبران حکومتی سطح تے جاری تعاون اتے سنجیدہ اقدامات تے اطمینان دا اظہار کیتا اتے وکلا دی فلاح کیتے مزید اقدامات دی لوڑھ تے زور ݙتا