وزیراعظم محمد شہباز شریف نال ڈاکٹر خالد مقبول صدیقی دی زیر قیادت ایم کیو ایم دے وفد دی ملاقات

اسلام آباد۔ 4 جون (اے پی پی) وزیراعظم محمد شہباز شریف آکھیے جو کراچی-4 (کے فور) تے کم دی رفتار کوں تکھا کیتا ویسی۔ انہاں آکھیے کراچی دے عوام کوں ٹرانسپورٹ دیاں بہترین سہولتاں ݙیوݨ کیتے گرین لائن منصوبہ وفاقی حکومت دی اولین ترجیحات وچ شامل ہے۔وزیراعظم دفتر دے میڈیا ونگ توں جاری بیان موجب وزیراعظم محمد شہباز شریف نال کنوینئر متحدہ قومی موومنٹ ڈاکٹر خالد مقبول صدیقی دی زیر قیادت ایم کیو ایم دے وفد ملاقات کیتی۔ وفد وچ وفاقی وزیر قومی صحت سید مصطفیٰ کمال، ارکان قومی اسمبلی امین الحق، ڈاکٹر فاروق ستار اتے جاوید حنیف شامل ہن۔وزیراعظم ایم کیو ایم دے وفد نال وفاقی بجٹ مالی سال 26-2025 تے مشاورت کیتی۔ وفد وفاقی بجٹ دے حوالے نال اپݨیاں تجویزاں وزیراعظم کوں پیش کیتیاں۔ وزیراعظم وفد نال ڳالھ مہاڑ کریندے آکھیے کراچی-حیدرآباد پیکیج دے حوالے نال وی کم تکھا کرݨ دیاں ہدایات جاری کیتیاں ڳئن۔ملاقات وچ نائب وزیراعظم / وزیر خارجہ اسحاق ڈار، وفاقی وزیر منصوبہ بندی احسن اقبال، وفاقی وزیر خزانہ و محصولات محمد اورنگزیب، وفاقی وزیر پارلیمانی امور ڈاکٹر طارق فضل چوہدری، وفاقی وزیر پبلک افیئرز یونٹ رانا مبشر اقبال، وزیراعظم دے مشیر سیاسی امور و بین الصوبائی رابطہ رانا ثناء اللہ اتے وزیراعظم دے معاون خصوصی طلحہ برکی وی موجود ہن۔