اسلام آباد۔ 5 جون (اے پی پی) وفاقی وزیر قومی ورثہ و ثقافت محمد اورنگزیب خان کھچی نال وفاقی وزیر آبی وسائل میاں محمد معین وٹو اتے سابق وفاقی وزیر سائنس و ٹیکنالوجی چنگیز خان جمالی ملاقات کیتی جئیں وچ بلوچستان اتے پنجاب وچ پاݨی دے مسئلیں اتے ویلھے توں پہلے چھل توں بچݨ دے اقدامات بارے تفصیلی ڳالھ مہاڑ کیتی ڳئی۔وزارت قومی ورثہ و ثقافت دی طرفوں جاری بیان …
وفاقی وزیر قومی ورثہ اورنگزیب کھچی نال وفاقی وزیر آبی وسائل معین وٹو دی ملاقات
مزید خبراں
اسلام آباد۔ 5 جون (اے پی پی) وفاقی وزیر قومی ورثہ و ثقافت محمد اورنگزیب خان کھچی نال وفاقی وزیر آبی وسائل میاں محمد معین وٹو اتے سابق وفاقی وزیر سائنس و ٹیکنالوجی چنگیز خان جمالی ملاقات کیتی جئیں وچ بلوچستان اتے پنجاب وچ پاݨی دے مسئلیں اتے ویلھے توں پہلے چھل توں بچݨ دے اقدامات بارے تفصیلی ڳالھ مہاڑ کیتی ڳئی۔وزارت قومی ورثہ و ثقافت دی طرفوں جاری بیان موجب ملاقات وچ وفاقی وزیر میاں محمد معین وٹو ایں ڳالھ تے زور ݙتا جو پاݨی دی تقسیم کیتے موجودہ فارمولے موجب ہر صوبے کوں ایندا حصہ ݙتا ویسی اتے کہیں صوبے دا پاݨی ݙوجھے صوبے کوں منتقل نہ کیتا ویسی۔ وفاقی وزیر اورنگزیب خان کھچی آکھیے ثقافتی ورثے دے تحفظ دے نال نال ماحولیاتی تحفظ وی اساݙی ذمہ واری اے۔ انہاں آکھیے چھل توں بچݨ سانڳے پیشگی اقدامات اتے آبی وسائل دا مؤثر استعمال ویلھے دی اہم لوڑھ اے ۔ سابق وفاقی وزیر چنگیز خان جمالی آکھیے وفاقی حکومت کوں صوبیں دے نال رل تے جامع حکمت عملی تیار کرݨی چا ہیدی اے تاں جو انہاں مسئلیں دا پائیدار حل کݙھیا ونڄ سڳے۔ملاقات دے دوران ݙوہیں رہنماواں ایں ڳالھ تے اتفاق کیتا جو پاݨی دے مسئلیں اتے چھل توں بچݨ کیتے وفاقی اتے صوبائی حکومتاں وچال نیڑے تعاون اتے مربوط حکمت عملی دی لوڑھ اے۔ انہاں ایں عزم دا اظہار کیتا جو سارے متعلقہ اداریں دے نال رل تے انہاں مسئلیں دا حل لبھیا ویسی تاں جو عوام دی اوکھ گھٹ کیتی ونڄ سڳے
