واشنگٹن۔ 6 جون(اے پی پی)پارلیمانی سفارتی کمیٹی دے سربراہ، پیپلز پارٹی دے چیئرمین اتے سابق وزیرِ خارجہ بلاول بھٹو زرداری امریکہ دے چیئرمین سینیٹ سلیکٹ کمیٹی برائے انٹیلی جنس سینیٹر ٹام کاٹن (ریپبلکن-آرکنساس) نال کیپیٹل ہِل اچ ملین۔ چیئرمین بلاول بھٹو زرداری بھارت دے اشتعال انگیز بیانات اتے حالیہ جھڑپاں اچ عام شہریاں کوں نشانہ بݨاوݨ دی شدید مذمت کیتی اتے ایکوں علاقائی امن اتے سلامتی کیتے خطرناک قرار ݙتا۔ …
بلاول بھٹو زرداری دی امریکی چیئرمین سینیٹ سلیکٹ کمیٹی برائے انٹیلی جنس سینیٹر ٹام کاٹن نال ملاقات
مزید خبراں
واشنگٹن۔ 6 جون(اے پی پی)پارلیمانی سفارتی کمیٹی دے سربراہ، پیپلز پارٹی دے چیئرمین اتے سابق وزیرِ خارجہ بلاول بھٹو زرداری امریکہ دے چیئرمین سینیٹ سلیکٹ کمیٹی برائے انٹیلی جنس سینیٹر ٹام کاٹن (ریپبلکن-آرکنساس) نال کیپیٹل ہِل اچ ملین۔ چیئرمین بلاول بھٹو زرداری بھارت دے اشتعال انگیز بیانات اتے حالیہ جھڑپاں اچ عام شہریاں کوں نشانہ بݨاوݨ دی شدید مذمت کیتی اتے ایکوں علاقائی امن اتے سلامتی کیتے خطرناک قرار ݙتا۔ انہاں مقبوضہ جموں و کشمیر اچ جاری انسانی حقوق دی سنگین خلاف ورزیاں تے وی الایا اتے بھارت ولوں سندھ طاس معاہدے کوں یکطرفہ طور تے معطل کرݨ تے چنتا کیتے اتے اینڄھےا قدامات کوں بین الاقوامی اصولاں دی خلاف ورزی اتے ہک خطرناک مثال قرار ݙتے۔ چیئرمین بلاول بھٹو زرداری امریکی صدر ڈونلڈ ٹرمپ دی تعریف کیتی جیندے نال بھارت اتے پاکستان وچال جنگ بندی ممکن تھئی اتے کشیدگی ڳھٹݨ دے نال نال سفارتی رستے کھلین۔ انہاں زور ݙتا جو دیرپا امن صرف مکالمے، سفارتکاری اتے باہمی احترام نال ہی مل سڳدے، تعمیری رابطہ ہی خطے اچ پائیدار استحکام اتے پراݨے تنازعات دے حل دی بنیاد بݨ سڳدے۔ سینیٹر ٹام کاٹن امریکا اتے پاکستان وچال سلامتی دے شعبے اچ تعاون اتے علاقائی امن قائم رکھݨ سانڳے تعلقات ٻئے تکڑے بݨاوݨ دے عزم دوہرائے۔
