سکیورٹی فورسز دی بلوچستان اچ کامیاب کارروائی، بھارتی حمایت یافتہ فتنہ الہندوستان دے 2 دہشت گرد ہلاک

راولپنڈی۔ 6 جون(اے پی پی)سکیورٹی فورسز بلوچستان دے ضلع کچھی دے علاقے کول پور اچ انٹیلی جنس تے کارروائی کیتی اے جیندے اچ بھارتی حمایت یافتہ فتنہ الہندوستان دے 2 دہشت گرداں کوں ہلاک کر ݙتا ڳئے۔ پاک فوج دے شعبہ تعلقات عامہ (آئی ایس پی آر) توں جاری بیان دے مطابق، سکیورٹی فورسز بلوچستان دے ضلع کچھی دے علاقے کول پور اچ خفیہ اطلاعات تے آپریشن کیتا جیندے اچ ہندوستانی پراکسی فتنہ الہندوستان نال تعلق رکھݨ آلے دہشت گرداں دی موجودگی دی اطلاع ہئی۔ آپریشن اچ سکیورٹی فورسز فتنہ الہندوستان دے دہشت گرداں دے ٹھکاݨے دا محاصرہ کیتا اتے شدید فائرنگ دے تبادلے اچ 2 ہندوستانی حمایت یافتہ دہشت گرداں کوں جہنم واصل کر ݙتا ڳیا۔ فتنہ الہندوستان دے ماریے ڳئے دہشت گرداں دے قبضے توں اسلحہ اتے گولہ بارود ملیے ڄیڑھے علاقے اچ بھارتی سرپرستی اچ کئی دہشت گردانہ سرگرمیاں اچ ملوث ہین۔ علاقے اچ کہیں وی ݙوجھے دہشت گرد دی موجودگی کوں ختم کرݨ کیتے کارروائی جاری اے، پاکستان دی سکیورٹی فورسز ملک توں بھارتی حمایت یافتہ دہشت گردی دی لعنت کوں مکاوݨ کیتے پرعزم ہن اتے دہشت گردی دے مرتکب افراد کوں انصاف دے کٹہرے اچ ڳھن آوݨ کیتے قوم دے غیر متزلزل عزم دی تصدیق کریندن۔