وزیرِ اعظم دا بلوچستان اچ فتنہ الہندوستان دے 2 دہشت گرداں کوں جہنم واصل کرݨ تے سکیورٹی فورسز کوں خراج تحسین

اسلام آباد۔ 6 جون(اے پی پی)وزیرِ اعظم محمد شہباز شریف بلوچستان دے ضلع کچھی دے علاقے کول پور اچ سکیورٹی آپریشن اچ بھارتی حمایت یافتہ فتنہ الہندوستان دے 2 دہشت گرداں کوں جہنم واصل کرݨ تے سکیورٹی فورسز کوں خراج تحسین پیش کیتے۔ وزیرِ اعظم آکھیے جو سکیورٹی فورسز دی پیشہ ورانہ مہارت پاروں اساں ملک توں دہشت گردی دی لعنت کوں منݙھو پٹ سٹیسوں۔ انہاں آکھیا جو دہشت گرداں کوں نہتے اتے معصوم شہریاں دی جان و مال کوں نقصان پچاوݨ دی انتہائی سخت قیمت ادا کرݨی پوسی، ملک توں دہشت گردی دے مکمل خاتمے کیتے سکیورٹی فورسز اتے حکومت پاکستان پرعزم ہن۔