صدر آصف علی زرداری دا بلوچستان اچ فتنہ الہندوستان دے 2 دہشت گرداں کوں جہنم واصل کرݨ تے سکیورٹی فورسز کوں خراج تحسین

اسلام آباد۔ 6 جون(اے پی پی) صدر مملکت آصف علی زرداری بلوچستان دے ضلع کچھی اچ کارروائی اچ فتنہ الہندوستان دے 2 دہشت گرداں کوں جہنم واصل کرݨ تے سکیورٹی فورسز کوں خراج تحسین پیش کریندے آکھیے جو دہشت گرد عناصر دے خاتمے اتے ملکی دفاع کیتے ساݙا عزم غیر متزلزل رہسی۔ ایوان صدر دے پریس ونگ توں جاری بیان اچ صدر مملکت انٹیلی جنس تے مبنی کارروائی اچ بھارتی پراکسی فتنہ الہندوستان دے 2 دہشت گرداں دا قلع قمع کرݨ تے سکیورٹی فورسز دی بہادری کوں سراہیا۔ صدر مملکت آکھیا جو دہشت گرداں دے مکمل خاتمے تئیں سکیورٹی فورسز دیاں کارروائیاں جاری رہسن۔ صدر مملکت آکھیا جو پاکستان دیاں سکیورٹی فورسز فتنہ الہندوستان دے خاتمے کیتے کارروائیاں کریندیاں پئن۔ صدر مملکت آکھیا جو دہشت گرد عناصر دے خاتمے اتے ملکی دفاع کیتے ساݙا عزم غیر متزلزل رہسی۔ صدر مملکت دہشتگردی دے مکمل خاتمے دے قومی عزم دا اظہار وی کیتا۔