اسلام آباد۔ 6 جون (اے پی پی)پاکستان بھارتی غیر قانونی زیرِ تسلط مقبوضہ جموں و کشمیر اچ صورتحال دے حوالے نال بھارتی وزیرِ اعظم دے بے بنیاد اتے گمراہ کن بیانات کوں بھرپور طریقے نال مسترد کر ݙتے۔ ترجمان دفتر خارجہ ولوں جاری بیان اچ آکھیا ڳئے جو اینڄھے بیانات عالمی توجہ ہٹاوݨ کیتے ڄاݨ ٻحھ تے ݙتے ڳئن تاں جو بھارتی غیر قانونی زیرِ تسلط مقبوضہ جموں و کشمیر …
پاکستان بھارتی وزیرِ اعظم دے بے بنیاد اتے گمراہ کن بیانات کوں بھرپور طریقے نال مسترد کر ݙتے
مزید خبراں
اسلام آباد۔ 6 جون (اے پی پی)پاکستان بھارتی غیر قانونی زیرِ تسلط مقبوضہ جموں و کشمیر اچ صورتحال دے حوالے نال بھارتی وزیرِ اعظم دے بے بنیاد اتے گمراہ کن بیانات کوں بھرپور طریقے نال مسترد کر ݙتے۔ ترجمان دفتر خارجہ ولوں جاری بیان اچ آکھیا ڳئے جو اینڄھے بیانات عالمی توجہ ہٹاوݨ کیتے ڄاݨ ٻحھ تے ݙتے ڳئن تاں جو بھارتی غیر قانونی زیرِ تسلط مقبوضہ جموں و کشمیر اچ تسلسل نال تھیوݨ آلیاں سنگین انسانی حقوق دیاں خلاف ورزیاں توں بین الاقوامی توجہ ہٹائی ونڄ سڳے۔ ترجمان آکھیا جو ساکوں ٻہوں افسوس اے جو بھارتی وزیرِ اعظم قابل اعتبار ثبوت پیش کیتے بغیر ہک واری ول پہلگام حملے اچ پاکستان دے ملوث ہووݨ دا الزام لائے۔ انہاں آکھیا جو جموں و کشمیر بین الاقوامی سطح تے ہک تسلیم شدہ متنازعہ علاقہ اے جیںدا حتمی حل اقوام متحدہ دی سلامتی کونسل دیاں متعلقہ قرارداداں اتے کشمیری عوام دیاں امنگاں دے مطابق ہووݨے، کوئی بیانیہ وی ایں قانونی اتے تاریخی حقیقت کوں تبدیل نئیں کر سڳدا۔ ترجمان آکھیا جو بھارت دے زیرِ قبضہ جموں و کشمیر اچ ترقی دے دعوے ہک بے مثال فوجی موجودگی، بنیادی آزادیاں دی پامالی، خود ساختہ گرفتاریاں، اتے بین الاقوامی قانون بشمول چوتھے جنیوا کنونشن دی خلاف ورزی کریندے ہوئیں علاقے دی آبادیاتی ساخت کوں تبدیل کرݨ دیاں کوششاں دے پس منظر اچ بے معنی ہن۔ انہاں آکھیا جو پاکستان جموں و کشمیر دے عوام دے حقوق اتے وقار کیتے انہاں دی جائز جدوجہد اچ آپݨے اصولی موقف تے قائم اے، اساں بین الاقوامی برادری، بشمول اقوام متحدہ اتے انسانی حقوق دیاں تنظیماں توں مطالبہ کریندے ہیں جو او بھارت کوں ایںدے مظالم کیتے جوابدہ ٹھہراوݨ اتے یقینی بݨاوݨ جو کشمیری عوام کوں آپݨی خود ارادیت دا حق استعمال کرݨ ݙتا ونڄے، جیڑھا جو اقوام متحدہ دی سلامتی کونسل دیاں متعلقہ قرارداداں اچ درج اے۔
