وزیرِاعظم محمد شہباز شریف دا چارے صوبیاں دے وزرا اعلیٰ کوں ٹیلی فون، عید دی مبارخ ݙیتی

لاہور۔ 8 جون (اے پی پی)وزیرِاعظم محمد شہباز شریف عید دے موقع تے وزیراعلیٰ پنجاب مریم نواز، وزیراعلیٰ سندھ سید مراد علی شاہ، وزیراعلیٰ خیبر پختونخوا علی امین گنڈاپور اتے وزیراعلیٰ بلوچستان میر سرفراز بگٹی کوں ٹیلیفون کیتا اتے انہاں کوں عیدالاضحیٰ دی مبارخ ݙیتی۔ وزیرِاعظم آفس پریس ونگ توں جاری پریس ریلیز دے مطابق ٹیلیفونک ڳالھ مہاڑ اچ وزرا اعلیٰ، وزیرِاعظم دا شکریہ ادا کیتا اتے وزیرِاعظم کوں وی عیدالاضحیٰ دی مبارک ݙتی اتے وزیرِاعظم کیتے اپݨیاں نیک خواہشات پچائن۔