وفاقی سیکریٹری اطلاعات عنبرین جان اتے پرنسپل انفارمیشن آفیسر مبشر حسن دا فریحہ ادریس دی والدہ دے انتقال تے افسوس

اسلام آباد۔9 جون(اے پی پی)وفاقی سیکریٹری اطلاعات عنبرین جان اتے پرنسپل انفارمیشن آفیسر مبشر حسن سینئر اینکر پرسن فریحہ ادریس دی والدہ دے انتقال تے افسوس کیتے۔ اپݨی پرچاوݨی اچ وفاقی سیکریٹری اطلاعات عنبرین جان اتے پی آئی او مبشر حسن فریحہ ادریس اتے اہل خانہ نال ہمدردی کریندے آکھیا جو فریحہ ادریس دی والدہ دے انتقال دا سݨ تے افسوس تھئے، ماں دا وچھوڑا ڄیوݨ دا سبھ توں وݙا صدمہ اے، اہل خانہ دے غم اچ نال ہیں۔ وفاقی سیکریٹری اطلاعات عنبرین جان اتے پی آئی او مبشر حسن مرحومہ دے درجات دی بلندی اتے لواحقین کیتے صبر جمیل دی دعا کیتی۔