وفاقی وزیر اطلاعات عطاء اللہ تارڑ دی جنرل منیجر پی ٹی وی لاہور ڈاکٹر قیصر شریف دے گھر آمد، والد دے انتقال تے پرچاوݨی

لاہور۔ 9 جون(اے پی پی)وفاقی وزیر اطلاعات و نشریات عطاء اللہ تارڑ پاکستان ٹیلی ویژن لاہور دے جنرل منیجر ڈاکٹر قیصر شریف دے والد دے انتقال تے مکاݨ ݙیوݨ سنوار کوں انہاں دے گھر ڳئن اتے مرحوم دے ایصال ثواب کیتے فاتحہ خوانی کیتی۔ ایں موقع تے الیندے ہوئیں وفاقی وزیر اطلاعات آکھیا جو والد دا سایہ ہک عظیم نعمت ہوندے، انہاں دی جدائی ہک ناقابل تلافی صدمہ اے۔ انہاں آکھیا جو ایں ݙکھ اتے غم اچ ڈاکٹر قیصر شریف اتے انہاں دے اہل خانہ دے نال ہیں۔ انہاں دعا کیتی جو اللہ تعالیٰ مرحوم کوں اپݨے جوار رحمت اچ ڄاہ ݙیوے اتے سوگوار خاندان کوں صبر و حوصلہ ݙیوے۔