پی ایس ڈی پی دے تحت صنعت و پیداوار ݙویژن کیتے 1904 ملین روپے رکھئے ڳئن

اسلام آباد۔ 10 جون (اے پی پی) حکومت آندے مالی سال 26-2025 کیتے سرکاری شعبہ دے سالانہ ترقیاتی پروگرام دے تحت صنعت و پیداوار ݙویژن کیتے 1904 ملین روپے رکھئن۔ جاری تھیوݨ آلے پی ایس ڈی پی دے اعدادوشمار موجب حکومت آندے مالی سال دے ترقیاتی پروگراماں وچ 8 جاری سکیماں وچ حب سپیشل اکنامک زون کیتے 100 ملین روپے، آٹو میشن سینٹر کراچی دے قیام کیتے 285 ملین روپے، پروڈکٹ ڈویلپمنٹ سیالکوٹ کیتے 91 ملین روپے جݙاں جو 2 نویں سکیماں وچ ہک ہزار انڈسٹریل سٹیچنگ یونٹس فیز 2 کیتے 250 ملین روپے اَتے ڈویلپمنٹ بلاک اے کراچی انڈسٹریل پارک کیتے 500 ملین روپے رکھئن۔