آندے مالی سال دے پی ایس ڈی پی اچ خزانہ ݙویژن دے 6 جاری منصوبیاں کیتے 85 کروڑ 15 لکھ 80 ہزار روپے رکھئے ڳئن

اسلام آباد۔ 10 جون (اے پی پی)آندے مالی سال دے سرکاری شعبہ دے سالانہ ترقیاتی پروگرام (پی ایس ڈی پی) دے تحت خزانہ ݙویژن دے 6 جاری منصوبیاں کیتے مجموعی طور تے 85 کروڑ 15 لکھ 80 ہزار روپے دے فنڈز رکھیے ڳئن۔ منگل کوں جاری پی ایس ڈی پی دے مطابق آڈٹ مینجمنٹ انفارمیشن سسٹم دے نفاذ اَتے اوکوں مرکزی دھارے اچ گھن آوݨ دے منصوبے کیتے16 کروڑ 45 لکھ 80 ہزار روپے، وفاقی حکومت اچ پی ایف ایم پالیسی فریم ورک دے نفاذ دے منصوبے کیتے 5 کروڑ 70 لکھ روپے، پاکستان مونومنٹ کوں جدید ٻݨآوݨ اتے اپ گریڈ کرنڑ دے منصوبے کیتے 15 کروڑ روپے، پاکستان آڈٹ اینڈ اکاؤںٹ اکیڈمی اسلام آباد کیتے 33 کروڑ روپے، وفاقی اَتے صوبائی سطح تے پی ایف ایم دے تحت آن لائن بلنگ سلوشن منصوبے کیتے 5 کروڑ روپے اَتے عورتاں کیتے مخصوص مالیات بارے منصوبیاں کیتے 10 کروڑ روپے دے فنڈز رکھیے ڳئن۔