پی ایس ڈی پی دے تحت وزارت قومی صحت، خدمات دے 22 جاری منصوبیاں کیتے 14 ارب 34 کروڑ 35 لکھ روپے رکھئن

اسلام آباد۔ 10 جون (اے پی پی)آندے مالی سال دے سرکاری شعبہ دے سالانہ ترقیاتی پروگرام (پی ایس ڈی پی) دے تحت وزارت قومی صحت، خدمات دے 22 جاری منصوبیاں کیتے مجموعی طور تے 14 ارب 34 کروڑ 35 لکھ روپے دے فنڈز رکھیے ڳئن۔ منگل کوں جاری پی ایس ڈی پی دے مطابق آئی ݙی ایس آر ایس منصوبے کیتے 2 ارب روپے، اسلام آباد کیپٹل ٹیریٹری اچ چار بی ایچ یو دی تعمیر دے منصوبیاں کیتے 36 کروڑ 47 لکھ روپے، بݙھاݨا کلاں اچ چلڈرن ہیلتھ سنٹر دے قیام دے منصوبے کیتے 10 کروڑ 82 لکھ روپے، بری امام اچ چلڈرن ہیلتھ سنٹر دی تعمیر دے منصوبے کیتے 13 کروڑ 71 لکھ روپے، جی الیون تھری اچ جناح ہسپتال دی تعمیر دے منصوبے کیتے 20 کروڑ روپے، گولڑہ شاہان اچ ایم این سی ایچ سی دے قیام دے منصوبے کیتے 6 کروڑ 26 لکھ 80 ہزار روپے، آبادی دے حوالے نال سالانہ ایکشن پلان تے عملدرآمد دے منصوبے کیتے 10 کروڑ روپے، ترلائی اچ کنگ سلمان بن عبدالعزیز ہسپتال دی تعمیر دے منصوبے کیتے ہک کروڑ روپے، پاکستان اچ داخلے دے پوائنٹس کوں مضبوط کرݨ اَتے ݙائریکٹوریٹ آف سنٹرل ہیلتھ اسٹیبلشمنٹ منصوبے کیتے 29 کروڑ 52 لکھ 70 ہزار روپے، اسلام آباد اچ کینسر ہسپتال دی تعمیر کیتے ہک ارب 70 کروڑ 10 لکھ روپے، ٹی بی، ایچ آئی وی اَتے ملیریا دے حوالے نال مشترکہ مینجمنٹ یونٹ دے منصوبے کیتے 20 کروڑ روپے، وفاقی علاقیاں اچ یونیورسل ہیلتھ کوریج دے منصوبے کیتے 50 کروڑ روپے، ݙرگ کنٹرول سیکشن ہیلتھ ڈیپارٹمنٹ اسلام آباد بارے منصوبے کیتے 26 کروڑ 44 لکھ 20 ہزار روپے، اسلام آباد اچ کینسر ہسپتال کیتے آلات دی خریداری منصوبے کیتے 90 کروڑ روپے، پمز اچ سٹروکس انٹروینشن اَتے ایکسپنشن آف کریٹیکل کیئر منصوبے کیتے 90 کروڑ روپے، عالمگیر وبائواں سانڳے رابطہ کاری اَتے ہیلتھ ورک فورس دی ترقی دے منصوبے کیتے 20 کروڑ روپے، فیڈرل گورنمنٹ پولی کلینک ہسپتال وچ کارڈیالوجی ڈیپارٹمنٹ دی اپ گریڈیشن دے منصوبے کیتے 48 کروڑ روپے، انفیکشس ݙیزیز لیبارٹری دے قیام دے منصوبے کیتے 10 کروڑ روپے، ہیپاٹائٹس سی دے خاتمے دے حوالے نال وزیراعظم دے منصوبے کیتے ہک ارب روپے، ذیابیطس دے تدارک اَتے ایندے تے قابو پاوݨ بارے وزیراعظم دے منصوبے کیتے 80 کروڑ روپے، جناح میڈیکل کمپلیکس اینڈ ریسرچ سنٹر اسلام آباد دے منصوبے کیتے 4 ارب روپے اَتے شیخ زید پوسٹ گریجویٹ میڈیکل انسٹی ٹیوٹ لاہور اچ ریڈیالوجی ڈیپارٹمنٹ دی اپ گریڈیشن دے منصوبے کیتے 2 کروڑ روپے دے فنڈز رکھیے ڳئن۔