محصولات ݙویژن دے 8 جاری منصوبیاں کیتے 7 ارب 15 کروڑ روپے رکھئے ڳئن

اسلام آباد۔ 10 جون (اے پی پی)آندے مالی سال دے سرکاری شعبہ دے سالانہ ترقیاتی پروگرام (پی ایس ڈی پی) دے تحت محصولات ݙویژن دے 8 جاری منصوبیاں کیتے مجموعی طور تے 7 ارب 15 کروڑ روپے دے فنڈز رکھیے ڳئن۔ منگل کوں جاری پی ایس ڈی پی دے مطابق ریجنل ٹیکس آفس ساہیوال اچ ایڈیشنل آفس بلاک دی تعمیر دے منصوبے کیتے22  کروڑ 24 لکھ 30 ہزار روپے، کسٹم کمپلیکس سوست بشمول سپاہیاں کیتے بیرکس دی تعمیر دے منصوبے کیتے 53 کروڑ 96 لکھ 29 ہزار روپے، گوادر اچ ماڈل کسٹم کلکٹریٹ دی تعمیر دے منصوبے کیتے 68 کروڑ 83 ہزار روپے، کراچی اچ انٹیلی جنس اینڈ انویسٹی گیشن آفس دی تعمیر دے منصوبے کیتے 7 کروڑ 28 لکھ 83 ہزار روپے، سرگودھا اچ علاقائی ٹیکس آفس دی تعمیر دے منصوبے کیتے 49 کروڑ 98 ہزار روپے، ایشیائی ترقیاتی بینک دی علاقائی سرحدی خدمات منصوبے دے تحت انٹیگریٹڈ ٹرانزٹ ٹریڈ مینجمنٹ سسٹم دے منصوبے کیتے 2 ارب 50 کروڑ روپے، پاکستان ریزز ریونیو پروگرام منصوبے کیتے 2 ارب 49 کروڑ 31 لکھ روپے اَتے سیالکوٹ اچ ریجنل ٹیکس آفس دی عمارت دی تعمیر کیتے زمین خریداری دے منصوبے کیتے 15 کروڑ روپے رکھین۔