پی ایس ڈی پی دے تحت وفاقی تعلیم و پیشہ ورانہ تربیت ݙویژن کیتے 18580 ملین روپے دے فنڈز رکھئن

اسلام آباد۔ 10 جون (اے پی پی)آندے مالی سال دے سرکاری شعبہ دے ترقیاتی پروگرام (پی ایس ڈی پی) دے تحت وفاقی تعلیم و پیشہ ورانہ تربیت ݙویژن کیتے مجموعی طور تے 18580 ملین روپے دے فنڈز رکھیے ڳئن جیندے اچوں 14 جاری منصوبیاں کیتے 18280 ملین روپے جݙاں جو 3 نویں منصوبیاں کیتے 300 ملین روپے دے فنڈز رکھیے ڳئن۔ منگل کوں جاری پی ایس ڈی پی دے مطابق جاری منصوبیاں اچ وزیراعظم دی ہدایت تے مقبوضہ کشمیر دے طلباء کیتے 1600 سکالرشپس کیتے 164 ملین روپے، این سی اے لاہور اچ گریجویٹ بلاک دی تعمیر کیتے 217 ملین روپے، پلاننگ اینڈ ڈویلپمنٹ یونٹ منصوبے دے قیام کیتے 30 ملین روپے، وفاقی دارالحکومت اچ وفاقی نظامت تعلیمات دے زیر انتظام تعلیمی اداریاں اچ بنیادی تعلیمی سہولتاں ݙیوݨ کیتے 900 ملین روپے، نیشنل انسٹی ٹیوٹ آف ایکسی لینس ٹیچرز ایجوکیشن کیتے 300 ملین روپے، وفاقی دارالحکومت اچ آؤٹ آف سکول چلڈرن دے داخلیاں اَتے انہاں کوں برقرار رکھݨ کیتے 262 ملین روپے، ایجوکیشن پروگرام دے استحکام دے مربوط اَتے جامع اقدامات کیتے 290 ملین روپے، ایف ݙی ای دے پرائمری سکولاں اچ ای سی ای سنٹرز کیتے 140 ملین روپے، سکلز ڈویلپمنٹ پروگرام کیتے 600 ملین روپے، وزیراعظم یوتھ سکل ڈویلپمنٹ پروگرام کیتے 4300 ملین روپے، پاکستان ایجوکیشن انڈومنٹ فنڈ کیتے 1000 ملین روپے، کری، اسلام آباد اچ دانش سکول دے قیام کیتے 1800 ملین روپے، آزاد کشمیر، گلگت بلتستان اَتے بلوچستان اچ دانش سکولاں دے قیام کیتے 8000 ہزار ملین روپے رکھیے ڳئن جݙاں جو نویں منصوبیاں کیتے ایچ الیون فور اسلام آباد اچ آٹزم دی بیماری دا شکار ٻالاں کیتے سنٹر آف ایکسی لینس دے قیام کیتے 100 ملین روپے، ملٹی گارڈن بی-17 اسلام آباد وچ ماڈل کالج برائے خواتین دے قیام کیتے 100 ملین روپے اَتے ملٹی پروفیشنل کوآپریٹو ہاؤسنگ سوسائٹی ایف-17/2 اسلام آباد اچ اسلام آباد ماڈل کالج برائے خواتین دے قیام کیتے 100 ملین روپے دے فنڈز رکھین۔