پی ایس ڈی پی، ہاؤسنگ اینڈ ورکس ݙویژن دے 25 جاری و 2 نویں منصوبیاں کیتے 15005.801 ملین روپے رکھئن

اسلام آباد۔ 10 جون (اے پی پی)آندے مالی سال دے سرکاری شعبہ دے سالانہ ترقیاتی پروگرام (پی ایس ڈی پی) دے تحت ہاؤسنگ اینڈ ورکس ݙویژن دے 25 جاری و 2 نویں منصوبیاں کیتے مجموعی طور تے 15005.801 ملین روپے دے فنڈز رکھیے ڳئن۔ منگل کوں جاری پی ایس ڈی پی دے مطابق ہاؤسنگ اینڈ ورکس ݙویژن دے 25 جاری ترقیاتی منصوبہ جات کیتے مجموعی طور تے 14805.801 ملین روپے دے فنڈز مختص کیتے ڳئن جݙاں جو 2 نویں ترقیاتی منصوبہ جات کیتے 200 ملین روپے دے فنڈز رکھیے ڳئن۔ پی ایس ڈی پی دے مطابق ہاؤسنگ اینڈ ورکس ݙویژن دے ݙو نویں منصوبیاں اچ یو سی بہر کنڈ تحصیل و ضلع مانسہرہ اچ ماڑی صفدر شاہ دے مقام تے دریائے سرن تے آر سی سی پری سٹریسٹڈ پل دی تعمیر دے منصوبے کیتے 100 ملین روپے جݙاں جو یو سی بہر کنڈ تحصیل و ضلع مانسہرہ اچ شاہ دا پنجہ دے مقام تے دریائے سرن دے مقام تے پری سٹریسٹڈ پل دی تعمیر دے منصوبے کیتے 100 ملین روپے دے فنڈز رکھیے ڳئن۔