وزیر خزانہ قومی اسمبلی وچ سالانہ میزانیہ گوشوارے اَتے ݙوجھی دستاویزات پیش کر ݙتن

اسلام آباد۔ 10 جون (اے پی پی) وفاقی وزیر خزانہ و محصولات سینیٹر محمد اورنگزیب قومی اسمبلی دے بجٹ اجلاس وچ سالانہ میزانیہ گوشوارے اَتے ݙوجھی دستاویزات پیش کر ݙتن۔ وزیر خزانہ قومی اسمبلی دے اجلاس وچ مالی سال 2025-26 کیتے سالانہ میزانیہ گوشوارہ جئیں وچ مالی سال 2024-25 دے نظرثانی شدہ تخمینہ جات شامل ہن، مالی سال 2025-26 کیتے مطالبات زر و تخصیصات، مالی سال 2024 اَتے مالی سال 2025 کیتے باقاعدہ اَتے فنی ضمنی منظوریاں اَتے مالی سال 2024 کیتے زائد میزانیہ گوشوارہ پیش کرݙتا۔