ریکوڈک توں ست ارب ڈالر ٹیکس اتے ست ارب 80 کروڑ ڈالر دی رائلٹی متوقع اے، سینیٹر محمد اورنگزیب

اسلام آباد۔ 10 جون (اے پی پی) وفاقی وزیر خزانہ سینیٹر محمد اورنگزیب آکھیے جو ریکوڈک توں ست ارب ڈالر ٹیکس اَتے ست ارب 80 کروڑ ڈالر دی رائلٹی متوقع اے جݙاں جو 41500 توں ودھ نوکریاں دے موقع میسر آسن۔ قومی اسمبلی وچ آندے مالی سال 26-2025 دا وفاقی بجٹ پیش کریندے انہاں آکھیا جو ریکوڈک وچ واقع تانبے اَتے سونے دیاں کاناں ساݙے مستقبل دا ہک اہم اثاثہ ہن، حکومت ایں اثاثے کوں مفید بݨاوݨ تے توجہ مرکوز کیتی ہوئی اے ، ایں منصوبے دی فیزیبلٹی سٹڈی جنوری 2025ء وچ مکمل کیتی ڳئی۔ کان کنی دی متوقع مدت 37 سال اے جیں دوران ملک کوں 75 ارب ڈالر توں ودھ دے کیش فلوز حاصل تھیسن۔ 41 ہزار 500 نوکریاں ملسن ، منصوبے توں 7 ارب ڈالر دے ٹیکس اَتے 7 ارب 80 کروڑ ڈالر دی رائلٹی متوقع اے۔ برآمدات وچ سوکھ پیدا کرݨ کیتے ریکوڈک توں پورٹ قاسم اَتے گوادر تئیں سڑک اَتے ریل دے ذریعے نقل و حمل دے بنیادی ڈھانچے دی تعمیر جاری اے، اے منصوبہ پاکستان دی معیشت وچ گیم چینجر ثابت تھیسی۔