پاک روس تعلقات سانجھے احترام، تعاون اتے مختلف شعبیں وچ سانجھے مفادات دی بنیاد تے گزریل سالاں وچ بہتر تھئن، صدر آصف علی زرداری

اسلام آباد۔ 10 جون (اے پی پی) صدر پاکستان آصف علی زرداری آکھیے جو پاک روس تعلقات سانجھے احترام، تعاون تے مختلف شعبیں وچ سانجھے مفادات دی بنیاد تے گزریل سالاں وچ بہتر تھئن۔ روس یوریشین خطے وچ علاقائی امن و استحکام یقینی بݨاوݨ وچ کلیدی کردار ادا کریندا پئے۔ 35 ویں یوم روس تے صدر ولادیمیر پوٹن، روسی سفیر اتے روس دے عوام کوں مبارخ ݙٰینداں ۔ ایوان صدر دے پریس ونگ توں جاری بیان موجب صدر مملکت آصف علی زرداری اے گالھ روس دے 35 ویں قومی ݙینہہ دے موقع تے خطاب وچ آکھی۔ صدر مملکت آکھیے جو پاکستان روس نال قومی ݙینہہ دیاں خوشیاں وچ شریک اے۔ صدر مملکت آکھیے جو پاک روس تعلقات سانجھے احترام، تعاون، تے مختلف شعبیں وچ سانجھے مفادات دی بنیاد تے گزریل سالاں وچ بہتر تھئن، ہݨے ہی ݙوہیں ملکاں وچال اعلیٰ سطحی رابطے ودھئن۔ صدر مملکت آصف علی زرداری آکھیے جو اعلیٰ سطحی رابطے تے پاکستان تے روس وچال گھاٹے تعلق تے تفہیم دی بنیاد رکھی ڳئی اے۔ صدر مملکت آکھیے جو پاکستان تے روس علاقائی تے عالمی پلیٹ فارمز تے وی نیڑے تعاون جاری رکھیا ہویا اے ، پاکستان روس کوں ہک اہم عالمی طاقت سمجھدے، روس یوریشین خطے وچ علاقائی امن و استحکام یقینی بݨاوݨ وچ کلیدی کردار ادا کریندا پئے۔ صدر آصف علی زرداری آکھیے جو وزیراعظم دے معاون خصوصی طارق فاطمی دی ماسکو وچ روسی وزیر خارجہ نال ہک انتہائی امید افزا ملاقات تھئی اے، ملاقات وچ فریقین خطے وچ امن و استحکام دی اہمیت تے زور ݙتا۔ صدر آکھیے جو پاکستان تے روس وچال دوستی دے رشتے مزید تکڑے تھیسن، اساں کنے تجارت، سرمایہ کاری، ٹیکنالوجی، تے عوامی رابطیں وچ شراکت داری کوں ودھاوݨ دی بے پناہ صلاحیت موجود اے۔ صدر مملکت آکھیا جو آؤ اساں پاکستان تے روس وچال تفہیم تے تعاون ودھاوݨ دے عزم دی تجدید کروں، پاکستان روس دوستی زندہ باد۔