ذیلی اداریاں اچ آپسی تعاون اَتے استعداد کار توں فیدہ تھیسی: محسن نقوی

اسلام آباد۔ 11 جون(اے پی پی)وفاقی وزیر داخلہ محسن نقوی آکھیے جو سارے ذیلی اداریاں وچال آپسی تعاون انتہائی ضروری اے، سارے ادارے ہک ݙوجھے دی استعداد کار توں ودھ فیدہ چاون اَتے عوام دی زندگیاں اچ آسانیاں پیدا کرن، تربیتی کورسز اچ صرف میرٹ تے پورا اترݨ آلے افسراں کوں نامزد کیتا ونڄے۔ اے ڳالھ انہاں اپݨی زیر صدارت وزارت داخلہ اچ اہم اجلاس نال الیندے آکھی۔ اجلاس اچ وزارت داخلہ دے سارے ذیلی اداریاں دے سربراہان شرکت کیتی۔ اجلاس اچ وزارت داخلہ دے سارے ذیلی اداریاں وچال آپسی تعاون کوں ودھاوݨ دا فیصلہ کیتا ڳیا۔ وزیر داخلہ محسن نقوی آکھیا جو انفارمیشن اَتے ݙٹا دا ویلھے تے تبادلہ انتہائی اہم اے، مختلف اداریاں دے بیرون ملک سفارت خانیاں اچ تعینات افسران وزارت دے ݙوجھے اداریاں کوں وی معاونت ݙے سڳدن، سارے اداریاں دی افرادی قوت توں بھرپور استفادہ کرݨا ہوسی، آپسی کوآرڈینیشن بہتر تھیوݨ نال عوام دے نال حکومت کوں وی فیدہ پڄسی۔ اجلاس اچ وزیر مملکت داخلہ طلال چوہدری، سیکرٹری داخلہ، ایڈیشنل سیکرٹریز، نادرا، اینٹی نارکوٹکس کنٹرول، ایف آئی اے، فرنٹیئر کور، فرنٹیئر کانسٹیبلری، رینجرز، نیشنل پولیس اکیڈمی، نیشنل پولیس بیورو، پاسپورٹ اینڈ امیگریشن، نیشنل سائبر کرائم انویسٹیگیشن ایجنسی اَتے اسلام آباد پولیس دے سربراہان اجلاس اچ شرکت کیتی۔