وزیر اعظم شہباز شریف دی لندن ٹیک ویک 2025 اچ پاکستان دی مؤثر موجودگی اتے شرکت تے سارے سٹیک ہولڈرز کوں مبارکباد

ابو ظہبی۔ 12 جون (اے پی پی)وزیر اعظم محمد شہباز شریف لندن ٹیک ویک 2025 اچ پاکستان دی مؤثر موجودگی اتے شرکت تے سارے سٹیک ہولڈرز کوں مبارک ݙیندے آکھیے جو پاکستان دا ٹیک مستقبل روشن اے۔ لندن ٹیک ویک 2025 اچ پاکستان دی شرکت تے وزیراعظم شہباز شریف اپݨے بیان اچ آکھیا جو میں لندن ٹیک ویک 2025 اچ پاکستان دی مؤثر موجودگی اتے شرکت تے سارے سٹیک ہولڈرز کوں مبارک ݙینداں، ایں بھرپور شرکت نال پاکستان کوں ہک اڳو ودھدے ہوئے ملک دی حیثیت حاصل تھئی اے ڄیڑھا ٹیکنالوجی، اختراعات اتے نوجواناں دی دنیا نال منسلک تھیوݨ دی صلاحیت کوں اڳو تے ڳھدی آندے، ہک اینڄھے ہک اہم پلیٹ فارم تے اساݙی موجودگی اساݙے ودھدے ہوئے ڈیجیٹل فٹ پرنٹ اتے عالمی اہداف دی عکاسی کریندی اے۔ وزیراعظم آکھیا جو میں وزارت آئی ٹی، پاکستان سافٹ وئیر ایکسپورٹ بورڈ، ٹورازم ڈویلپمنٹ اتھارٹی آف پاکستان اتے اساݙے ٹیک انٹرپرینیورز کوں پاکستان دا وژن بھرپور انداز اچ پیش کرݨ تے سلام کرینداں۔ وزیراعظم آکھیا جو اساں ہک علم دی بنیاد تے معیشت کیتے اپݨے پندھ کوں تیکھا کریندے پئے ہیں اتے اساݙی حکومت نوجواناں کوں بااختیار ٻݨاوݨ کیتے، ڈیجیٹل تبدیلی اتے ایںدے نال جڑیے عالمی تعلقات کیتے پر عزم اے، پاکستان دا ٹیک مستقبل روشن اے۔