اسلام آباد۔ 15 جون (اے پی پی) وفاقی وزیر قانون و انصاف سینیٹر اعظم نذیر تارڑ بزرگاں نال بدسلوکی (استحصال) متعلق آگاہی دے عالمی ݙینھ دے موقع تے آکھیے جو انسان ارتقائی عمل توں لنگھدے، زندگی دا ارتقا انسان کوں ہک واری ول بچپن آلے پاسے دھکَیل ݙیندے، بزرگاں دی عزت کوں ملحوظ خاطر رکھیا ونڄے، انہاں کوں زندگی وچ سوکھ ݙتی ونڄے ، زندہ قوماں اپݨیاں آوݨ آلیاں نسلاں کیتے سبق چھوڑ تے ویندن جیڑھا جو مشعل راہ دا کم کریندین ، حکومت اتے پاکستانی معاشرہ اپݨیاں روایات کوں برقرار رکھیندے اپݨے بزرگاں کیتے احترام رکھیندے اتے انہاں دی زندگی وچ آسانیاں پیدا کرݨ اساں اپݨا فرض وی سمجھدوں ۔ اے ڳالھ انہاں بزرگاں نال بدسلوکی متعلق آگاہی دے عالمی ݙینھ دے موقع تے اپݨے ہک ویڈیو سنھئے اچ آکھی۔وفاقی وزیر آکھیا جو اڄ اساں بزرگاں نال بدسلوکی (استحصال) متعلق آگاہی دا عالمی ݙینھ منیندے پیوں۔ انہاں آکھیا جو انسان ارتقائی عمل توں لنگھدے جیڑھا بچپن توں جوانی، ادھیڑ عمری اتے ول ٻڈھیپے دے پاسے سفر کریندے اتے اپݨی زندگی وچ اے ساریاں بہاراں ݙیکھدے۔ انہاں آکھیا جو تبدیلی دے نال نال زندگی دا ارتقا انسان کوں ہک واری ول بچپن دے پاسے سٹ ݙیندے تے او اپݨیاں تکلیفاں یا ضرورتاں خود پوریاں نئیں کر سڳدا بلکہ آوݨ آلی نسل اے کم کریندی اے۔ وفاقی وزیر آکھیے جو جیویں ٻالاں کوں بزرگ پلیندے ہن تاں ہک ویلھا ایجھا وی آندے جو بزرگاں دی ذمہ داری ٻالاں کوں ادا کرݨی پوندی اے۔اعظم نذیر تارڑ آکھیے اے ذمہ داری صرف اتے صرف کہیں خاندان دی کائںی جیڑھے جو ٻالاں ہی بزرگاں دی ݙیکھ بھال کرݨی اے بلکہ اے کم معاشرے دا وی ہے ، ایں کیتے ریاست کوں وی اپݨے فرائض سرانجام ݙیوݨے ہن ایں حوالے نال حکومت پاکستان 60 سال توں ودھ عمر دے بزرگ شہریاں کیتے قانونی تقاضے پورے کیتن جݙاں جو وفاقی اتے صوبائی حکومتاں مناسب قانون سازی وی کیتی اے۔ انہاں آکھیا جو صرف قوانین بݨاوݨ نال عملدرآمد نئیں تھیندے بلکہ ایں کیتے خلوص نیت دی لوڑھ ہوندی اے۔
