صدر مملکت دا خیبر پختونخوا اچ بھارتی پراکسی فتنہ الخوارج دے 5 دہشت گرد جہنم واصل کرݨ تے سکیورٹی فورسز کوں خراج تحسین

اسلام آباد۔ 16 جون (اے پی پی) صدر مملکت آصف علی زرداری خیبر پختونخوا اچ 2 اںج انڄ کارروائیاں اچ بھارتی پراکسی فتنہ الخوارج دے 5 دہشت گرد جہنم واصل کرݨ تے سکیورٹی فورسز کوں خراج تحسین پیش کیتے۔سنوار کوں ایوان صدر دے پریس ونگ موجب صدر مملکت کامیاب کارروائی اچ 5 خوارج ہلاک کرݨ تے سکیورٹی فورسز دی بہادری کوں سراہندے ہوئیں ملک توں فتنۃ الخوارج دے مکمل خاتمے دے عزم دا اعادہ کیتا۔ انہاں آکھیا جو سکیورٹی فورسز دہشت گردی دے عفریت دے خاتمے کیتے کارروائیاں کریندی پئن۔ صدر مملکت آکھیا جو پوری قوم دہشت گردی دے خلاف متحد اے اتے دہشت گردی دے مکمل خاتمے تئیں فتنہ الخوارج دے خلاف کارروائیاں جاری رہسن۔