اسلام آباد۔ 16 جون (اے پی پی) وفاقی وزیر داخلہ محسن نقوی خیبرپختونخوا اچ بھارتی سپانسرڈ دہشت گرداں دے خلاف کامیاب آپریشنز تے سکیورٹی فورسز کوں خراج تحسین پیش کیتے۔ سنوار کوں جاری آپݨے بیان اچ وزیر داخلہ محسن نقوی فتنہ الہندوستان دے 5 دہشت گرداں کوں جہنم واصل کرݨ تے سکیورٹی فورسز دی پیشہ وارانہ صلاحیتاں کوں سراہیا۔ انہاں آکھیا جو سکیورٹی فورسز بروقت آپریشنز کر تے 5 بھارتی …
وفاقی وزیر داخلہ محسن نقوی دا خیبرپختونخوا اچ بھارتی سپانسرڈ دہشت گرداں دے خلاف کامیاب آپریشنز تے سکیورٹی فورسز کوں خراج تحسین
مزید خبراں
اسلام آباد۔ 16 جون (اے پی پی) وفاقی وزیر داخلہ محسن نقوی خیبرپختونخوا اچ بھارتی سپانسرڈ دہشت گرداں دے خلاف کامیاب آپریشنز تے سکیورٹی فورسز کوں خراج تحسین پیش کیتے۔ سنوار کوں جاری آپݨے بیان اچ وزیر داخلہ محسن نقوی فتنہ الہندوستان دے 5 دہشت گرداں کوں جہنم واصل کرݨ تے سکیورٹی فورسز دی پیشہ وارانہ صلاحیتاں کوں سراہیا۔ انہاں آکھیا جو سکیورٹی فورسز بروقت آپریشنز کر تے 5 بھارتی سپانسرڈ دہشت گرداں کوں عبرتناک انجام تئیں پڄایا۔محسن نقوی آکھیا جو سکیورٹی فورسز دے بہادر سپوتاں کوں سلام پیش کریندوں۔ بھارتی سپانسرڈ دہشت گرداں اتے آلہ کاراں دے خلاف سکیورٹی فورسز دیاں کامیاب کارروائیاں کوں تحسین دی نگاہ نال ݙیکھدن۔ وزیر داخلہ آکھیا جو بہادر سکیورٹی فورسز تے ہر پاکستانی کوں ناز اے، بھارتی سپانسرڈ دہشت گرداں اتے سہولت کاراں دا انجام عبرتناک موت اے۔ محسن نقوی آکھیا جو قوم دی حمایت نال بھارتی سپانسرڈ دہشت گرداں دا مکمل صفایا کریسوں۔
