اسلام آباد۔ 17 جون (اے پی پی) وفاقی وزیر داخلہ محسن نقوی پنجاب-خیبر پختونخوا سرحد دے نیڑے خوارجی دہشت گرداں دے مذموم عزائم ناکام بݨاوݨ تے پنجاب پولیس اتے سی ٹی ڈی کوں خراج تحسین پیش کیتا۔ منگل کوں وزارت داخلہ توں جاری بیان دے مطابق پولیس اتے سی ٹی ڈی ہک واری ول جوانمردی نال خوارجی دہشت گرداں دا مقابلہ کیتا۔ محسن نقوی آکھیا جو پولیس اتے سی ٹی ڈی دی ٹیم دی جرأت کوں سلام پیش کرینداں۔ انہاں آکھیا جو ڈیرہ غازی خان پولیس اتے سی ٹی ڈی دے بہادر سپوت پہلے وی دلیری نال خوارجی دہشت گرداں دے خلاف نمایاں کامیابیاں حاصل کیتن۔ پنجاب پولیس اتے سی ٹی ڈی پروفیشنل انداز اچ خوارجی دہشت گرداں دے مذموم عزائم کوں خاک اچ ملایا۔ محسن نقوی آکھیا جو فتنہ الخوارج دے دہشت گرداں دے ناپاک عزائم خاک اچ ملاوݨ تے پولیس اتے سی ٹی ڈی دی ٹیم کوں مبارخ ݙینداں۔ انہاں آکھیا جو پنجاب پولیس اتے سی ٹی ڈی دے بہادر اتے پروفیشنل سپوتیاں تے فخر اے۔
