اسلام آباد۔ 20 جون (اے پی پی) نائب وزیراعظم اتے وزیر خارجہ سینیٹر محمد اسحاق ڈار 21 اتے 22 جون کوں تھیوݨ آلے اسلامی تعاون تنظیم دی وزراء خارجہ کونسل دے 51 ویں اجلاس اتے اسلامی تعاون یوتھ فورم ایوارڈ دی تقریب وچ شرکت کیتے جمعہ کوں استنبول پڄ ڳئے جِتھاں ترکیہ دے صدر رجب طیب اردگان کوں اعزاز نال نوازیا ویسی۔جمعہ کوں دفتر خارجہ توں جاری بیان موجب نائب وزیراعظم اتے وزیر خارجہ دی آمد تے ترکیہ وچ پاکستان دے سفیر ڈاکٹر یوسف جنید، قونصل جنرل نعمان اسلم اتے ترکی دی وزارت خارجہ دے حکام انہاں دا استقبال کیتا۔
