سوشل میڈیا تے گردش کرݨ آلے بھرتی دے اشتہار من گھڑت اتے نقلی ہن، ترجمان قومی اسمبلی سیکریٹریٹ

اسلام آباد۔ 20 جون (اے پی پی) قومی اسمبلی سیکریٹریٹ سوشل میڈیا تے گردش کرݨ آلے بھرتی دے اشتہار کوں مسترد کریندے ایں کوں نقلی، من گھڑت اتے گمراہ کن قرار ݙتے۔ قومی اسمبلی سیکرٹریٹ دے ترجمان اپݨے ہک وضاحتی بیان اچ آکھیے جو ایں سلسلے وچ واضح کیتا ویندے جو ایں اشتہار دا قومی اسمبلی سیکریٹریٹ نال کوئی تعلق کائنی ،عوام توں گزارش کیتی ویندی اے جو او ایجھے نقلی اشتہاراں کوں نظر انداز کرن۔ عوام توں گزارش اے جو کہیں وی بھرتی متعلق اطلاع کوں مصدقہ ذرائع توں تصدیق دے بعد ہی قابل اعتبار سمجھیا ونڄے تاں جو ایں قسم دی نقلی اتے بے بنیاد معلومات دا شکار تھیوݨ توں بچیا ونڄ سڳے۔ قومی اسمبلی متعلق سرکاری اطلاعات اتے اعلانات کیتے قومی اسمبلی پاکستان دی سرکاری ویب سائٹ www.na.gov.pk ݙٹھی ونڄے۔