اسلام آباد۔ 21 جون (اے پی پی) شہید بینظیر بھٹو جمہوریت، انسانی وقار اَتے تریمتاں دے حقوق کیتے ناقابل فراموش جدوجہد کیتی۔ انہاں دی قربانیاں، وژن اَتے عوام نال وابستگی پیپلز پارٹی دی اجتماعی میراث اے۔ اساں شہید بی بی دے وژن توں رہنمائی ڳھندے ہوئیں جمہوریت کوں مستحکم کریسوں۔ ایوان صدر دے پریس ونگ موجب اے ڳالھ صدر مملکت آصف علی زرداری شہید بینظیر بھٹو دی 72ویں سالڳنڈھ دے موقع تے اپݨے سنھیے اچ آکھی۔صدر مملکت آکھیا جو اساں شہید بینظیر بھٹو دیاں قومی خدمتاں اَتے عظیم قربانیاں کوں خراجِ عقیدت پیش کریندوں ۔ صدر مملکت آکھیے جو شہید بی بی آمریت دے خلاف جرات اَتے استقامت نال مزاحمت کیتی۔ صدر آکھیے جو شہید بی بی ملک اچ جمہوریت دی بحالی دیاں تحریکاں دی قیادت کیتی، شہید بی بی قانون دی حکمرانی اَتے آئین دی بالادستی تے مکمل یقین رکھیندی ہئی۔صدر مملکت آکھیے شہید بینظیر بھٹو دی قربانیاں، وژن اَتے عوام نال وابستگی پیپلز پارٹی دی اجتماعی میراث اے۔ صدر مملکت آکھیے شہید بی بی تریمتاں دی سماجی اَتے معاشی خودمختاری دی علمبردار رہین۔ صدر مملکت آکھیے اساں شہید بینظیر بھٹو دے وژن توں رہنمائی ڳھندے ہوئیں جمہوریت کوں مستحکم کریسوں۔ صدر مملکت آکھیے جو شہید بی بی پسماندہ طبقات اَتے اقلیتاں دی آواز اَتے ہک پرامن، خوشحال پاکستان چاہندیاں ہن ۔ شہید بی بی دے اصولاں تے کاربند رہ تے ہر شہری دے بنیادی حقوق دا تحفظ یقینی بݨیسوں۔ صدر مملکت آکھیے جو شہید بینظیر بھٹو دی فکر اڄ وی ہک منصفانہ اَتے جمہوری معاشرے دے قیام کیتے مشعلِ راہ اے۔
