اسلام آباد۔ 21 جون (اے پی پی) وزیرِاعظم محمد شہباز شریف صوابی اچ پولیس اہلکاراں تے فائرنگ دے واقعہ دی مذمت کریندے آکھیے جو دہشت گردی دی عفریت ملک توں منڈھوں مکݨ تئیں ایں دے خلاف جنگ جاری رکھیسوں۔ وزیراعظم دفتر پریس ونگ توں جاری بیان اچ وزیرِاعظم محمد شہباز شریف شہید تھیوݨ آلے ݙو پولیس اہلکاراں کوں خراج عقیدت پیش کیتا اَتے انہاں دے اہل خانہ کیتے صبر دی دعا وی کیتی۔انہاں واقعہ دی تحقیقات اَتے ذمہ داران دا تعین کر تے انہاں کوں قرار واقعی سزا ݙیواوݨ دی ہدایت کریندے ہوئیں آکھیا جو دہشت گردی دی عفریت دے ملک توں مکمل خاتمے تئیں ایں دے خلاف جنگ جاری رکھیسوں۔ پولیس دے افسران و جوان دہشت گردی دی جنگ اچ وطن عزیز کوں ایں ناسور توں پاک کرݨ کیتے ݙینھ رات مصروف عمل ہن۔ وزیرِ اعظم آکھیا جو میں سودھے پوری قوم کوں دہشت گرداں دے وطن عزیز کیتے ناپاک عزائم کوں ناکام بݨاوݨ آلے اپݨے پولیس دے افسران و جواناں تے ماݨ اے۔
