لاہور۔ 21 جون (اے پی پی) وزیراعلیٰ پنجاب مریم نواز آکھیے جو پاکستانی فنکاراں مشرقی موسیقی کوں بین الاقوامی شناخت ݙتی۔ خوشی ہووے یا غم موسیقی ہر کیفیت کوں بیان کرݨ تے قادر اے، موسیقی امن دا سفیر بݨ تے محبت دا پیغام سرحداں دے پار پڄیندی پئی اے۔ ہفتہ دے ݙینھ موسیقی دے عالمی ݙینھ دے موقع تے جاری اپݨے ہک پیغام اچ انہاں آکھیا جو خوشی ہووے یا غم، جدائی ہووے یا وصال موسیقی ہر کیفیت کوں بیان کرݨ تے قادر اے، پاکستانی فنکاراں مشرقی موسیقی کوں بین الاقوامی شناخت ݙتی۔ وزارتِ اطلاعات و ثقافت، الحمرا آرٹس کونسل دے تحت نینگراں فنکاراں دی تربیت اَتے معاونت کیتی ویندی پئی اے۔ وزیراعلیٰ مزید آکھیے جو فن اَتے موسیقی کیتے آرٹسٹ فنڈ دے ذریعے نادار فنکاراں دی مالی معاونت وی جاری اے۔
