اسلام آباد۔ 21 جون (اے پی پی) وزیرِاعظم محمد شہباز شریف آندے سال حج دے حوالے نال مدت دا تعین کر تے وختی لائحہ عمل بݨا تے پیش کرݨ دی ہدایت کریندے آکھیے جو آندے سال حج آپریشن دی تیاری ہݨے شروع کیتی ونڄے، سعودی عرب دی طرفوں جاری کیتی ڳئی حج پالیسی نال لائحہ عمل بݨایا ونڄے۔ وزیراعظم دفتر دے میڈیا ونگ توں جاری بیان موجب وزیراعظم دی زیر صدارت آندے سال حج دی تیاری دے حوالے نال جائزہ اجلاس تھیا۔ اجلاس اچ وزیراعظم وزارت مذہبی امور کوں ہدایت کیتی جو آندے سال حج آپریشن دی تیاری ہݨے شروع کیتی ونڄے، سعودی عرب دی طرفوں جاری کیتی ڳئی حج پالیسی نال لائحہ عمل بݨایا ونڄٖے ۔ انہاں زور ݙتا جو آندے سال حاجیاں دی خدمت وچ کہیں قسم دی لاپرواہی قبول نہ ہوسی، نجی حج اسکیم کوں ریگولرائز کیتا ونڄے۔ وزیرِاعظم آندے سال حج دے حوالے نال مدت دا تعین کرتے وختی لائحہ عمل بݨا تے پیش کرݨ دی ہدایت کیتی۔ اجلاس وچ وفاقی وزراء مصدق ملک، سردار محمد یوسف اتے متعلقہ اعلیٰ حکام شرکت کیتی۔
