اسلام آباد۔ 22 جون (اے پی پی) آندے چووی گھنٹے اچ اسلام آباد، اُتلے پنجاب، خیبرپختونخواہ، کشمیر اَتے گلگت بلتستان اچ تکھی ہوا اَتے کھمݨ گاجاں نال مینھ وسݨ دا امکان اے ۔ ایں دوران پوٹھوہار، کشمیر اَتے اتلے خیبرپختونخواہ دی کجھ جہیں تے تکھی ہوا/زود دا مینھ وسݨ دا امکان اے، جݙاں جو ملک دے ٻہوں سارے علاقیں اچ موسم گرم اَتے حبس آلا رہݨ دا امکان اے۔محکمہ موسمیات موجب گزریل 24 گھنٹے اچ ملک دے ٻہوں علاقیں اچ موسم گرم رہیا، جݙاں جو میدانی علاقیں اچ ٻہوں گرم رہیا تاں جو اسلام آباد، اتلے پنجاب، خیبرپختونخواہ اَتے کشمیر اچ تکھی ہواتے کھمݨ گاجاں نال مینھ وسیا اَتے کجھ جہیں تے زور دا مینھ وٹھا۔ساریں توں ودھ مینھ منگلا اچ 88 ملی میٹر ریکارڈ کیتا ڳئے ایں توں انڄ (اسلام آباد (زیروپوائنٹ 85، بوکرا 26، سید پور 17، گولڑہ 4)راولپنڈی (شمس آباد 58، چکلالہ 50، پیر ودھائی 36، کچہری 27 جہلم 37 ،لاہور (ایئرپورٹ 37، سٹی 7)، منڈی بہاؤالدین 21، سیالکوٹ (ایئرپورٹ 18، سٹی 14)، اٹک 16، حافظ آباد 15، مری 11، نارووال 6، گجرات، گوجرانوالہ 2، لوئر دیر 38، کاکول 8، پشاور سٹی، مردان، بالاکوٹ 2، کالام، چراٹ ھک، گڑھی دوپٹہ 20، مظفر آباد (ایئرپورٹ 9، سٹی 7)، کوٹلی 9 تے راولاکوٹ اچ 6 ملی میٹر مینھ ریکارڈ کیتا ڳئے ۔اتوار کوں ریکارڈ کیتے ڳئے ودھ توں ودھ درجہ حرارت دے اعدادوشمار موجب جیکب آباد اچ درجہ حرارت47، دادو، سبی 46، دالبندین، خیرپور، نوکنڈی اتے موہنجو داڑو اچ 45 ڈگری سینٹی گریڈ ریکارڈ کیتا ڳئے۔
