ملتان۔ 22 جون (اے پی پی) چیئرمین سینیٹ سید یوسف رضا گیلانی ملتان اچ سید عمران قادر گیلانی نال انہاں دے سُورھے سید اسلم گیلانی دے انتقال تے ݙکھ تے افسوس کیتے۔ انہاں مرحوم دی رہائش گاہ تے ونڄ تے فاتحہ خوانی کیتی تے مرحوم دے اُچے درجات سانڳے دعا کیتی ۔ انہاں مرحوم دے گھر آلیں نال وی تعزیت کیتی۔ چیئرمین سینیٹ آکھیے جو مرحوم باوقار، نیک سیرت تے خدمت خلق دے جذبے نال سرشار شخصیت ہن۔ ایں موقع تے سید رضوان امیر گیلانی، سید فیضان میران شاہ گیلانی، ضیغم گیلانی، سید اعجاز قادر گیلانی تے شعیب قادر گیلانی وی موجود ہن۔ بعد اچ چیئرمین سینیٹ سید یوسف رضا گیلانی، سید اختر شاہ گیلانی تے سید منظور شاہ ہاشمی دی عیادت کیتے انہاں دی رہائش گاہ پُڄے ہن۔ انہاں ݙوہیں معززین دی خیریت پچھی تے گھر آلیں نال ملاقات دے دوران انہاں دی وختی صحت یابی کیتے دعا کیتی۔ سید یوسف رضا گیلانی ݙوہیں شخصیتاں کیتے نیک تمناواں دا اظہار کیتا۔
