اسلام آباد۔ 23 جون (اے پی پی) چیئرمین سینیٹ سید یوسف رضا گیلانی سابق نگران وزیراعلیٰ بلوچستان تے سابق سینیٹر میر محمد نصیر مینگل دے صاحبزادے عطا الرحمٰن مینگل تے قاتلانہ حملے دی شدید الفاظ اچ مذمت کیتی اے۔ سینیٹ سیکرٹریٹ توں جاری بیان دے مطابق چیئرمین سینیٹ آپݨے مذمتی بیان اچ واقعے کوں افسوسناک اَتے دلخراش قرار ݙیندیں ہوئیں دلی ݙکھ اَتے رنج دا اظہار کیتا۔ چیئرمین سینیٹ میر محمد نصیر مینگل نال ٹیلیفونک رابطہ کیتا اَتے ایں افسوسناک واقعے تے ݙکھ تے افسوس کیتا۔ انہاں مرحوم کیتے بلندی درجات اَتے مغفرت دی دعا کریندیں ہوئیں گھر آلیاں کیتے صبر جمیل دی دعا وی کیتی۔ انہاں آکھیا جو ݙکھ اَتے صدمے دی ایں گھڑی اچ میر نصیر مینگل اَتے انہاں دے گھر آلیاں نال کھڑوں۔ چیئرمین سینیٹ میر محمد نصیر مینگل دے زخمی تھیوݨ آلے پوترے دی جلدی صحت یابی دی دعا وی کیتی۔
