اسلام آباد۔24 جون(اے پی پی)وزیراعظم محمد شہباز شریف مذاکرات اَتے سفارت کاری نال امن دی بحالی دی اہمیت تے زور ݙیندے اقوام متحدہ دی سلامتی کونسل اَتے او آئی سی سودھا سارے سفارتی فورمز تے ایران کیتے پاکستان دی حمایت دا اعادہ کیتے جݙاں جو ایران دے صدر ڈاکٹر مسعود پیزشکیان تنازعے دے پرامن حل کوں ودھاوݨ کیتے پاکستان دے تعمیری کردار کوں وی منیے۔ وزیراعظم محمد شہباز شریف اسلامی …
وزیراعظم شہباز شریف دا ایران دے صدر ڈاکٹر مسعود پیزشکیان نال ٹیلیفونک رابطہ، سارے سفارتی فورمز تے ایران کیتے پاکستان دی حمایت دا اعادہ
مزید خبراں
اسلام آباد۔24 جون(اے پی پی)وزیراعظم محمد شہباز شریف مذاکرات اَتے سفارت کاری نال امن دی بحالی دی اہمیت تے زور ݙیندے اقوام متحدہ دی سلامتی کونسل اَتے او آئی سی سودھا سارے سفارتی فورمز تے ایران کیتے پاکستان دی حمایت دا اعادہ کیتے جݙاں جو ایران دے صدر ڈاکٹر مسعود پیزشکیان تنازعے دے پرامن حل کوں ودھاوݨ کیتے پاکستان دے تعمیری کردار کوں وی منیے۔ وزیراعظم محمد شہباز شریف اسلامی جمہوریہ ایران دے صدر ڈاکٹر مسعود پیزشکیان نال ٹیلیفونک رابطہ کیتے۔وزیراعظم اپݨی ڳالھ مہاڑ اچ آکھیا جو پاکستان مشرق وسطیٰ اچ تیزی نال ابھردی صورتحال تے مستقل طور تے اکھ رکھی ہوئی اے۔ انہاں اقوام متحدہ دی سلامتی کونسل اَتے او آئی سی سودھا سارے سفارتی فورمز تے ایران کیتے پاکستان دی حمایت دا اعادہ کیتا اَتے سارے فریقاں توں بین الاقوامی قانون اَتے اقوام متحدہ دے چارٹر دے اصولاں دی پاسداری تے زور ݙیتا۔ صدر پیزشکیان اڄوکی کشیدگی اچ پاکستان دی مستقل اَتے اصولی حمایت تے وزیراعظم دا شکریہ ادا کیتا۔ انہاں تنازعے دے پرامن حل سانڳے پاکستان دے تعمیری کردار دا وی اعتراف کیتا۔ ݙوہاں رہنماواں ایں اوکھے ویلھے اچ امت وچال اتحاد دی اہمیت اَتے آپس اچ رابطے ودھاوݨ تے اتفاق کیتا۔
